చెన్నై, జనవరి 5: భారతీయ సంస్కృతి, కళలను విస్తృతం చేయడంలో జాతీయ భాష హిందీ ఎంతో ఉపకరిస్తోందని విదేశీ వ్యవహారాల శాఖ మంత్రి సుష్మా స్వరాజ్ అన్నారు. విదేశాలు, సోషల్ మీడియోలో కూడా హిందీ భాష కీలకంగా మారిందని అన్నారు. శనివారం ఇక్కడ జరిగిన దక్షిణ భారత్ హిందీ ప్రచార సభ 82వ స్నాతకోత్సవంలో పాల్గొని ప్రసంగించారు. ఈ సంస్థ హిందీతోపాటు దక్షిణాది భాషలకు కూడా ఎంతో ప్రాచుర్యం కల్పిస్తోందని కొనియాడారు.

గువహటి, జనవరి 5: అసోంలో పౌరసత్వ బిల్లు వివాదం చిచ్చురేపింది. రాష్ట్ర వ్యాప్తంగా శనివారం నిరసన కార్యక్రమాలు మిన్నంటాయి. పౌరసత్వ బిల్లు-2016 సవరణకు సంబంధించి మార్గదర్శకాలు ఖరారు చేస్తామని ప్రధాని నరేంద్రమోదీ ప్రకటించిన మర్నాడే రాష్ట్రం అట్టుడికింది. రాష్ట్ర వ్యాప్తంగా ప్రధాని నరేంద్ర మోదీ దిష్టిబొమ్మనలు దహనం చేసి నిరసన తెలిపారు.

న్యూఢిల్లీ, జనవరి 5: పశ్చిమ గోదావరి జిల్లాలోని ద్వారకా తిరుమల శ్రీ వెంకటేశ్వరుని సహస్రనామార్చన, కళ్యాణోత్సవం దేశ రాజధాని గోల్ మార్కెట్‌లోని శ్రీ బాలాజీ మందిర్‌లో శనివారం ఘనంగా జరిగింది. ఏపీ ప్రభుత్వం ఆధ్వర్యంలో దేవస్థానం సౌజన్యంతో ఈ కార్యక్రమాన్ని నిర్వహించారు.

పాలము: రైతులు సామర్ధ్యాన్ని పెంచే దిశగా తమ ప్రభుత్వం కృషి చేస్తుందని ప్రధానమంత్రి మోదీ అన్నారు. ఆయన ఝర్ఖండ్ రాష్ట్రంలో డ్యాం, ఆరు ప్రాజెక్టు పనులకు శంకుస్థాపన చేశారు. ప్రధానమంత్రి గృహ అవాస్ యోజన పథకం కింది ఐదుగురు లబ్ధిదారులకు ఇంటి తాళాలను అందజేశారు. కాంగ్రెస్ ప్రభుత్వం వలే రైతురుణ మాఫీ పేరుతో రాజకీయం లేదని అన్నారు.