న్యూఢిల్లీ, జనవరి 3: గత 70 సంవత్సరాలుగా కాంగ్రెస్ పార్టీ అమలు చేసిన తప్పుడు విధానాల మూలంగానే కశ్మీర్‌లో ఉగ్రవాదం పెరిగిపోయిందని రాజ్యసభ నాయకుడు, ఆర్థిక మంత్రి అరుణ్ జైట్లీ ఆరోపించారు. జమ్ముకశ్మీర్‌లో నెలకొన్న శాంతిభద్రతల పరిస్థితులపై రాజ్యసభలో గురువారం జరిగిన చర్చల్లో పాల్గొన్న అరుణ్ జైట్లీ కాంగ్రెస్‌పై విమర్శల వర్షం కురిపించారు.

తిరువనంతపురం, జనవరి 3: సుప్రీం కోర్టు తీర్పు ప్రకారం నడుచుకోకుంటే శబరిమల ‘తంత్రి’ (ప్రధాన పూజారి) పదవి నుంచి తప్పుకోవాలని కేరళ ముఖ్యమంత్రి పినరయి విజయన్ పేర్కొన్నారు. బుధవారంనాడు నిషేధిత వయస్సున్న ఇద్దరు మహిళలు శబరిమల అయ్యప్ప ఆలయ సన్నిధికి చేరుకుని స్వామిని దర్శించుకున్న వెంటనే ఆలయాన్ని పూజారులు కొంతసేపు మూసివేసి సంప్రోక్షణ నిర్వహించిన విషయం తెలిసిందే.

న్యూఢిల్లీ, జనవరి 3: ఆంధ్రప్రదేశ్‌కు ప్రత్యేక హోదా ఇవ్వడంతోపాటు, విభజన హామీలన్నీ అమలు చేయాలని డిమాండ్ చేస్తూ ప్రత్యేక హోదా సాధన సమితి గురువారం పార్లమెంట్ ముట్టడి యత్నించింది. ఆందోళనకారులను చెదరగొట్టిన పోలీసులు, వారిపై లాఠీ ఛార్జీ చేశారు. దీంతో పలువురికి గాయాలయ్యాయి. అనంతరం వారిని అరెస్టు చేసి పార్లమెంట్ స్ట్రీట్‌లోని పోలీసు స్టేషన్‌కు తరలించారు.

తిరువనంతపురం, జనవరి 3: శబరిమల ఆలయంలో 50 ఏళ్లలోపు వయస్సు ఉన్న ఇద్దరు మహిళలు దర్శనం చేసుకోవడం వివాదానికి దారితీసింది. ఈ అంశంపై రాష్ట్రప్రభుత్వ వైఖరికి నిరసనగా కేరళలో హిందూసంఘాలు, బీజేపీ గురువారం రాష్ట్ర వ్యాప్తంగా ఇచ్చిన బంద్ పిలుపుహింసాత్మకంగా మారింది. వివిధ నగరాలు, పట్టణాల్లో ఆందోళనాకారులు రోడ్లపైకి వచ్చి టైర్లను తగలబెట్టారు. దీంతో ట్రాఫిక్ స్తంభించింది.