ఆటాపోటీ
అత్యుత్సాహం!
S ,7 à 8 RSCA (si SASPAS) et 6 cialis pharmacie cialis rapports de stage.
పాకిస్తాన్ బ్యాట్స్‌మన్ అహ్మద్ షెజాద్ అత్యుత్సాహంతో సోషల్ మీడియాలో ఓ ఫొటోను పోస్ట్ చేశాడు. అభిమానులంతా తనకు బ్రహ్మరథం పడతారని ఊహించాడు. కానీ, అతని ప్రయత్నం బెడిసికొట్టింది. వెక్కిరింతలు, విమర్శలు ఎదురుకావడంతో ఏం చేయాలో తెలియక తలపట్టుకున్నాడు. వివరాల్లోకి వెళితే, ఇటీవల ఇంగ్లాండ్‌లో జరిగిన చాంపియన్స్ ట్రోఫీ ఫైనల్‌లో భారత్‌ను ఓడించి పాకిస్తాన్ కప్‌ను గెల్చుకుంది. ఆ మ్యాచ్‌కి ముందు తాను నెట్స్‌లో ఎంతగా కష్టపడిందీ చెప్పడానికి షెజాద్ ఒక ఫొటోను ట్వీట్ చేశాడు. చెమటలు పట్టిన ముఖంతో చాలా అలసటగా కనిపిస్తున్న ఆ ఫొటోను చూసి, భారత్‌తో తుది పోరుకు తాను శ్రమించడాన్ని అందరూ మెచ్చుకుంటారని అనుకున్నాడు. కానీ, ఇదేం పోస్టు అంటూ ట్విటర్‌లో అతనిని అనుసరిస్తున్న అభిమానులే వ్యాఖ్యానించడంతో కంగుతిన్నాడు. ‘సెల్ఫీల మొనగాడు’ అని కొందరు పేర్కొంటే, ‘ఇదో డ్రామా’ అని మరికొందరు విమర్శించారు. అందరూ భేష్ అంటూ మెచ్చుకుంటారనుకుంటే, జోకర్‌గా మారిపోయానని షెజాద్ తెగ బాధపడుతున్నాడు. ఓవరాక్షన్ చేస్తే అంతే మరి!
Related Articles
టీమిండియాకు స్ఫూర్తిదాయకమైన నాయకత్వాన్ని అందించిన వారిలో కపిల్ దేవ్ తర్వాత సౌరవ్ గంగూలీ పేరు చెప్పుకోవాలి. అతని నుంచి 3ది వాల్2 రాహుల్ ద్రవిడ్‌కు జట్టు పగ్గాలు లభించాయి. సమర్థుడైన బ్యాట్స్‌మన్‌గా భారత్‌ను ఎన్నోసార్లు ఆదుకున్న ద్రవిడ్ కెప్టెన్‌గా అదేస్థాయిలో రాణించలేకపోయాడు.
కోహ్లీ మొండి వైఖరి గురించి ఎంత తక్కువగా చెప్తే అంత మంచిది. సొంత అజెండాను అమలు చేసే అతను, జట్టు ప్రయోజనాలు గాలికి కొట్టుకుపోయినా సరే తన పంతమే నెగ్గాలన్న అతని వైఖరి కారణంగానే కోచ్ పదవి నుంచి అనీల్ కుంబ్లే ఉద్వాసనకు గురయ్యాడు.
ఏ క్రీడలోనైనా రికార్డులు ఉన్నది బద్దలు కావడానికే అని అంటారు. అది నిజం కూడా. క్రికెట్‌లో రికార్డులు తరచు మారుతూనే ఉన్నాయి. కానీ, కొన్ని దశాబ్దాలుగా చెక్కుచెదరని రికార్డులు కూడా ఉన్నాయి.
పాకిస్తాన్ మాజీ సూపర్ ఫాస్ట్ బౌలర్ షోయబ్ అక్తర్ వికెట్ సాధించిన వెంటనే తనదైన శైలిలో, పక్షి రెక్కలు చాచి గాలిలో ఫీట్లు చేస్తున్నట్టు పరుగులు తీస్తాడు. వికెట్ లభించినప్పుడు ఒక్కొక్కరూ ఒక్కో విధంగా సెలబ్రేట్ చేసుకుంటారు. అయితే, అందరిలోకీ అక్తర్‌ది భిన్నమైన విధానం.
కెరీర్‌లో తొలి టెస్టు ఆడుతూ శతకాలు సాధించినవారు లేకపోలేదు. అయితే, మొదటి టెస్టులోనే అత్యధిక పరుగులు చేసిన రికార్డు రెగినాల్డ్ ‘టిప్’ ఫాస్టర్‌కే సొంతం. 1878లో జన్మించిన అతను తన ఆరుగురు సోదరులతో కలిసి కౌంటీ క్రికెట్ ఆడాడు.