హైదరాబాద్, జనవరి 2: రాష్ట్రంలో వృత్తి, సాంకేతిక విద్యా యుజి, పిజి కోర్సుల్లో ప్రవేశానికి నిర్వహించే పరీక్షల కన్వీనర్లను ఉన్నత విద్యా మండలి చైర్మన్ ప్రొఫెసర్ టి పాపిరెడ్డి మంగళవారం నాడు ప్రకటించారు. ఎమ్సెట్ కన్వీనర్‌గా మరో మారు జెఎన్‌టియు రిజిస్ట్రార్ ప్రొఫెసర్ ఎన్ యాదయ్య నియమితులయ్యారు. టిఎస్ ఇసెట్ కన్వీనర్‌గా జెఎన్‌టియుహెచ్ యుసిఇ ప్రిన్సిపాల్ ప్రొఫెసర్ ఎ గోవర్ధన్ నియమితులయ్యారు.

సికిందరాబాద్, జనవరి 2: అరెస్టులతో ఉద్యమాలను అడ్డుకోలేరని నిర్భందాలకు మాదిగలు వెనుకంజవేయకూడదని ఎమ్మార్పీస్ వ్యవస్థాపక అధ్యక్షుడు మంద కృష్ణ మాదిగ పేర్కొన్నారు. మంగళవారం సికిందరాబాద్‌లోని పార్శిగుట్ట ఎమ్మార్పీస్ కేంద్ర కార్యాలయం వద్ద ఉదయం నుంచి సాయంత్రం వరకు హైడ్రామా కొనసాగింది. మందక్రిష్ణ మాదిగ నిరాహారదీక్షకు దిగనున్నారని తెలియడంతో పోలీసులు అప్రమత్తమయ్యారు.

హైదరాబాద్, జనవరి 2: ఇంటర్‌లో గ్రేడింగ్ విధానం తీసుకురావల్సి ఉందని ఉప ముఖ్యమంత్రి కడియం శ్రీహరి పేర్కొన్నారు. ప్రగతిపథంలో ప్రభుత్వ ఇంటర్ విద్య పేరుతో ఇంటర్ విద్య జాక్ బోర్డు కార్యాలయంలో నిర్వహించిన విద్యా సదస్సులో ఆయన మాట్లాడారు. ఇంటర్ బోర్డును దేశంలో మొదటి స్థానంలో నిలపాలని అన్నారు. ఇంటర్‌లో మార్కుల విధానం తొలగించి గ్రేడింగ్ విధానం తీసుకురావాలని చెప్పారు.

హైదరాబాద్, జనవరి 2: తెలంగాణ రాష్ట్ర ఎస్సీ, ఎస్టీ కమిషన్ చైర్మన్‌గా ఎర్రోళ్ల శ్రీనివాస్ నియామకం అయ్యారు. రాష్ట్రం ఏర్పడిన తర్వాత ఎస్సీ, ఎస్టీ కమిషన్‌ను మొట్ట, మొదటిసారిగా ప్రభుత్వం నియమించింది. దీనికి సంబంధించిన ఫైలుపై ముఖ్యమంత్రి కె చంద్రశేఖర్‌రావు మంగళవారం సంతకం చేసారు.