వరంగల్, నవంబర్ 28: విశ్వనగరంగా మార్చాలనే ప్రయత్నంలో భాగంగా కాంగ్రెస్ హయాంలో మంజూరైన హైదరాబాద్ మెట్రోరైలు నిర్మాణం మూడున్నర సంవత్సరాలు ఆలస్యం కావడానికి ముఖ్యమంత్రి కె.చంద్రశేఖర్‌రావు పిచ్చితనం, మూర్ఖత్వం కారణమని పీసీసీ మాజీ అధ్యక్షుడు పొన్నాల లక్ష్మయ్య విమర్శించారు. ముఖ్యమంత్రి వైఖరి వల్ల మెట్రోరైలు ప్రాజెక్టు పూర్తవ్వడానికి నాలుగువేల కోట్ల రూపాయల అదనపు భారం పడిందని అన్నారు.

మెదక్, నవంబర్ 28: సమయం వచ్చినప్పుడు పార్టీని ప్రకటిస్తానని టీజేఏసీ చైర్మన్, ప్రొఫెసర్ కోదండరాం ప్రకటించారు. మంగళవారం మెదక్ రహదారి బంగ్లాలో ఏర్పాటు చేసిన కొలువుల కొట్లాట సమావేశంలో ఆయన మాట్లాడారు. గత ఫిబ్రవరి నుండి కొలువుల కొట్లాటపై సదస్సు కోసం దరఖాస్తులు పెట్టుకున్నా ప్రభుత్వం అనుమతి ఇవ్వలేదని ఆరోపించారు. చివరకు కోర్టు ఉత్తర్వుల మేర కు గ్రౌండ్ అనుమతి వచ్చిందన్నారు.

హైదరాబాద్, నవంబర్ 28: భరతజాతి గర్వించదగ్గ రీతిలో సంగీత నృత్య రూపకాలతో ప్రపంచ పారిశ్రామికవేత్తల సదస్సు మంగళవారం సాయంత్రం హైటెక్స్‌లో కట్టుదిట్టమైన భద్రతా ఏర్పాట్లు మధ్య ప్రారంభమైంది. హైటెక్స్‌లోని రంగుల హరివిల్లును తలపించేలా ఒక పక్క నృత్య రూపకాలు, మరో పక్క ప్రభుత్వ కార్యక్రమాల దృశ్య శ్రవణ మాధ్యమాల్లో కనువిందుగా ప్రదర్శించారు.

హైదరాబాద్, నవంబర్ 28: ప్రపంచ పెట్టుబడి దారుల సదస్సుకు హాజరైన విదేశీ ప్రతినిధులకు విందు కోసం ఏర్పాటు చేసిన ఫలక్‌నుమా ప్యాలెస్ వద్ద అతిథులు అవమానానికి గురయ్యారు. మంగళవారం హెచ్‌ఐసీసీలో సదస్సు ముగియగానే టిఎస్‌ఆర్టీసీ ఏర్పాటు చేసిన ప్రత్యేక బస్సుల్లో విదేశీ అతిథులు ఫలక్‌నుమా ప్యాలెస్‌కు బయలు దేరారు. అక్కడ పోలీసుల అత్యుత్సాహం ప్రదర్శిస్తూ, బస్సులను ప్యాలెస్ లోనికి అనుమతివ్వలేదు.