హైదరాబాద్, నవంబర్ 30: పారిశ్రామిక ఔత్సాహికత అనేది చిన్నతనంలోనే మొదలు కావాలనిగ అమెరికా కార్మిక శాఖ, మహిళా విభాగం డైరెక్టర్ పాట్రీసియా జి గ్రీన్ పేర్కొన్నారు. ఇందుకు ప్రపంచ వ్యాప్తంగా ప్రాధమిక స్థాయి నుండే ఔత్సాహికతను ప్రోత్సహించే పాఠ్యాంశాలను ప్రణాళికలో చేర్చడంతో పాటు తోడ్పాటు ఇవ్వాలని, పిల్లల ఆలోచనలను మెరుగుపరచాలని చెప్పారు.

కేతేపల్లి, నవంబర్ 30: రాష్ట్రాన్ని సస్యశ్యామలం చేసేందుకు కోటి ఎకరాలకు సాగునీరు అందించడం కోసం ప్రభుత్వం కృషిచేస్తుందని రాష్ట్ర విద్యుత్, దళిత సంక్షేమ శాఖ మంత్రి గుంటకండ్ల జగదీశ్‌రెడ్డి అన్నారు. సూర్యాపేట జిల్లాలో రెండవ అతిపెద్ద సాగునీటి ప్రాజె క్టు మూసీలో గురువారం కలెక్టర్ డాక్టర్ గౌరవ్ ఉప్పల్, శాసనసభ్యుడు వేముల వీరేశంతో కలిసి 19 లక్షల చేపపిల్లలను ప్రాజెక్టులో వదిలారు.

హైదరాబాద్, నవంబర్ 30: రాష్ట్రంలో 194 మోడల్ స్కూళ్లలో 1.25 లక్షల మంది విద్యార్ధులు చదువుతున్నారని, వాటి కోసం 218 కోట్ల రూపాయిలు ఏటా ఖర్చు చేస్తున్నట్టు ఉప ముఖ్యమంత్రి కడియం శ్రీహరి పేర్కొన్నారు. ఎన్‌డిఎ ప్రభుత్వం వచ్చాక మోడల్ స్కూళ్లను ఎత్తివేసిందని, అయితే ఇక్కడ పేద విద్యార్ధులు చదువుతున్నారనే ఉద్ధేశ్యంతో ప్రభుత్వం ఏటా 218 కోట్లను ఖర్చు చేస్తోందని పేర్కొన్నారు.

హైదరాబాద్, నవంబర్ 30: నగరంలోని అమీర్‌పేట మెట్రో రైల్వే స్టేషన్ వద్ద పోలీసుల అత్యుత్సాహంతో గురువారం ఉదయం కాసేపు ఉద్రిక్తత చోటుచేసుకుంది. మెట్రోరైలులో ప్రయాణించే వారు పక్కనే ఉన్న ఖాళీ స్థలంలో తమ మోటార్ సైకిళ్లను పార్క్ చేశారు. మెట్రో స్టేషన్ దగ్గర పార్కింగ్‌కు అనుమతి లేదంటూ ట్రాఫిక్ పోలీసులు బైక్‌లను వాహనాల్లో తీసుకెళ్లారు.