హైదరాబాద్, సెప్టెంబర్ 7: వర్షాభావ పరిస్థితుల వల్ల చిన్న నీటి వనరులు చెరువులు, కుంటల్లోకి తగినంత నీరు చేరకపోవడం రైతాంగాన్ని ఆందోళనకు గురి చేస్తుంది. మిషన్ కాకతీయ వల్ల చెరువుల పునరుద్ధరణ జరిగినప్పటికీ సమృద్ధిగా వర్షాలు కురవకపోవడంతో వీటి కిందనున్న ఆయకట్టులో పాతిక భాగానికైనా నీరు అందే పరిస్థితి కనిపించడం లేదు.

హైదరాబాద్, సెప్టెంబర్ 7: సికింద్రాబాద్ బైసన్ పోలో మైదానంలో కొత్త సచివాలయానికి బదులు బహుళ క్రీడా సముదాయం నిర్మించాలని సీనియర్ కాంగ్రెస్ నేత, మాజీ ఎంపి వి.హనుమంతరావు సిఎం కెసిఆర్‌ను డిమాండ్ చేశారు. ఇప్పటికే ఉన్న సచివాలయంలో అన్ని హంగులు ఉన్నాయని, అనవసరంగా ప్రజాధనం వృధా చేయడం మంచిది కాదని ఆయన హితవు పలికారు.

వనపర్తి, సెప్టెంబర్ 7: రాష్ట్రంలో ముఖ్యమంత్రి కెసిఆర్ అధికారం రాకముందు ఒకరకంగా, అధికారం వచ్చాక మరో రకంగా మాట్లాడుతూ ఊసరవెల్లి రాజకీయాలు చేస్తున్నారని బిజెపి రాష్ట్ర అధ్యక్షుడు లక్ష్మణ్ ఆరోపించారు. తెలంగాణ విమోచన యాత్రలో భాగంగా వనపర్తి జిల్లా కేంద్రంలోని రాజీవ్ చౌరస్తాలో గురువారం ఏర్పాటు చేసిన బహిరంగ సభలో ఆయన మాట్లాడారు.

భీమదేవరపల్లి, సెప్టెంబరు 7: వరంగల్ రూరల్ జిల్లా భీమదేవ రపల్లి మండలం కొత్తకొండ వీరభద్రస్వామి సన్నిధిలో గురువారం ఘనం గా ఘటాభిషేకం వేడుకులను నిర్వహించారు. వీరభద్రుని సన్నిధిలో తొలుత ఆలయ అర్చకులు గణపతిపూజ జరిపారు. పుణ్యాహవచనం, స్వామివారికి మహాలింగార్చన శాస్త్ర యుక్తంగా అర్చకులు నిర్వహించారు. సకాలంలో వర్షా లు కురిసి రైతులు, ప్రజలు సుఖ శాం తులతో ఉండాలని వీరభద్రుని సన్నిధిలో ప్రత్యేక పూజ లు చేశారు.