కష్టాల్లో పడిన విద్యుత్ సంస్థలను ఆదుకోవడానికి వినియోగదారులపై వెయ్య కోట్ల భారం మోపేందుకు రంగం సిద్ధమవుతోంది. పాలేరు ఉప ఎన్నిక ముందు టారిఫ్ ఆర్డర్‌ను ప్రకటించడం ఎందుకులే అని ఆగిన ప్రభుత్వం, నేటితో ఉప ఎన్నిక ముగుస్తుండటంతో షాక్ ఇచ్చేందుకు సిద్ధమవుతున్నట్టు అధికార వర్గాల సమాచారం. అయతే విద్యుత్ విషయంలో ఇప్పటికే జనామోదం పొందిన ప్రభుత్వం, అపవాదు రాకుండా కార్యం పూర్తి చేయాలన్న తలంపుతో కనిపిస్తోంది.

ఖమ్మం, మే 15: అన్ని రాజకీయ పార్టీలు ప్రతిష్ఠాత్మకంగా భావించి విస్తృతంగా ప్రచారం నిర్వహించిన పాలేరు ఉప ఎన్నిక సోమవారం జరగనున్నది. 4 గ్రామీణ మండలాల్లో విస్తరించివున్న ఈ నియోజకవర్గంలో 1,90,351 మంది ఓటర్లు ఉన్నారు. వీరంతా ఓటు వినియోగించుకునేందుకు 108 గ్రామపంచాయతీల పరిధిలో 243 పోలింగ్ కేంద్రాలను ఏర్పాటు చేశారు. అన్ని పోలింగ్ బూత్‌లలో దేశంలోనే మొదటిసారిగా వివిప్యాట్ విధానాన్ని అమలు చేస్తున్నారు.

హైదరాబాద్:కేంద్రంలో ఎన్డీయే ప్రభుత్వం అధికారంలోకి వచ్చాక చేపట్టిన సంక్షేమ కార్యక్రమాలు, పథకాలపై విస్తృత ప్రచారం చేస్తామని, ప్రజల్లోకి తీసుకువెళతామని కేంద్రమంత్రి బండారు దత్తాత్రేయ అన్నారు. అధికారం చేపట్టి రెండు సంవత్సరాలు పూర్తయిన సందర్భంగా హైదరాబాద్‌లో నిర్వహించిన కార్యక్రమంలో ఆయన పాల్గొని మాట్లాడారు. ఈ కార్యక్రమంలో తెలంగాణ బిజెపి అధ్యక్షుడు డాక్టర్ కె.లక్ష్మణ్ కూడా పాల్గొన్నారు.

హైదరాబాద్:ఆదిలాబాద్, నిజామాబాద్, ఖమ్మం, వరంగల్, కరీంనగర్ జిల్లాల్లో మరోవారం రోజులపాటు వడగాలులు వీస్తాయని, మరోవైపు తెలంగాణలోని అన్ని జిల్లాల్లో ఉరుములు, మెరుపులతో కూడిన వర్షాలు కురుస్తాయని హైదరాబాద్‌లోని వాతావరణ శాఖ అధికారులు తెలిపారు.