విజయవాడ, ఏప్రిల్ 10: ఆంధ్రప్రదేశ్ సర్వతోముఖాభివృద్ధికై రమేష్ హాస్పటల్స్ తమ వంతు సాయంగా 10 లక్షల రూపాయలను విరాళంగా అందచేసింది. హాస్పిటల్ చైర్మన్ మద్దిపాటి సీతారామ్మోహనరావు, మేనేజింగ్ డైరెక్టర్ డాక్టర్ రమేష్‌బాబు మంగళవారం సీఎం చంద్రబాబును సచివాలయంలో కల్సి చెక్కు అందచేయగా ఆయన వీరిరువురిని అభినందించారు.

గుంటూరు, ఏప్రిల్ 10: నవ్యాంధ్ర రాజధాని అమరావతికి తమవంతు సహకారాన్ని అందిస్తామని అభివృద్ధి నమూనాలో అనుభవాలను పంచు కుంటామని దేశ, విదేశీ ప్రతినిధులు వెల్లడించారు. మంగళగిరి సీవీ కనె్వన్షన్‌లో సీఆర్డీయే, సీఐఐ సంయుక్త ఆధ్వర్యంలో మూడురోజుల పాటు నిర్వహించే సంతోష నగరాల సదస్సును మంగళవారం ముఖ్య మంత్రి చంద్రబాబునాయుడు, ఇషా ఫౌండేషన్ వ్యవస్థాపకుడు సద్గురు జగ్గీ వాసుదేవ్ జ్యోతిప్రజ్వలనచేసి ప్రారంభించారు.

విజయవాడ, ఏప్రిల్ 10: పార్లమెంటు సమావేశాలను జరగనీయకుండా అడ్డుకున్నందుకు నిరసనగా ఈనెల 12న ప్రదర్శనలు, దీక్షలు చేయనున్నట్లు బీజేపీ రాష్ట్ర అభివృద్ధి కమిటీ కన్వీనర్ ఉప్పలపాటి శ్రీనివాసరాజు పేర్కొన్నారు. భారతీయ జనతాపార్టీ రాష్ట్ర కార్యాలయంలో మంగళవారం విలేఖరుల సమావేశంలో ఆయన మాట్లాడుతూ నెల రోజులుగా పార్లమెంటును జరగనీయకుండా అడ్డుకున్న ప్రతిపక్షాల తీరు ఆక్షేపణీయమన్నారు.

విజయవాడ, ఏప్రిల్ 10: ప్రధానిగా మోదీ ఉన్నంత వరకూ రాష్ట్రానికి ప్రత్యేక హోదా రాదని ఎంపీ జెసి దివాకర రెడ్డి వ్యాఖ్యానించారు. వెలగపూడి సచివాలయంలో ఆయన మంగళవారం మీడియాతో మాట్లాడుతూ హోదా కోసం ఢిల్లీలో పోరాటం చేసిన ఎంపీలు, సీఎం పిలుపు మేరకు ఏపీకి తిరిగి వచ్చారన్నారు. రాష్ట్రంలో ఎంపీలతో బస్సు యాత్ర నిర్వహించాలని నిర్ణయించారని, రూట్ మ్యాప్‌పై చర్చించేందుకు తమను రావాలని ఆదేశించారన్నారు.