అనంతపురం, ఏప్రిల్ 15 : తన కోరిక తీర్చకుంటే ఉద్యోగం నుంచి తీసేస్తానంటూ మహిళా ఉద్యోగినిపై బెదిరింపులకు పాల్పడుతున్న కీచక అధికారి ఉదంతమిది. అనంతపురం జిల్లా స్ర్తి, శిశు సంక్షేమ శాఖలో పని చేస్తున్న బాధ్యతాయుతమైన పదవిలో ఉన్న సదరు అధికారి, తన కింది స్థాయి ఉద్యోగినిపై కొంత కాలంగా లైంగిక వేధింపులకు గురి చేస్తున్నాడు. కార్యాలయంలో విధులు ముగించుకుని ఇంటికెళ్లినప్పటికీ ఆమెను సెల్‌ఫోన్ ద్వారా వేధించేవాడు.

తిరుపతి, ఏప్రిల్ 15: విభజన చట్టంలో పొందుపరిచిన ప్రత్యేక హోదా కావాలని ఐదుకోట్ల ఆంధ్రులు బలంగా ఆకాంక్షిస్తున్నారని, ఈ క్రమంలో ముఖ్యమంత్రి చంద్రబాబునాయుడు చేస్తున్న పోరాటంలో ప్రతిఒక్కరు బాగస్వాములు కావాలని మంత్రి కొల్లు రవీంద్ర పిలుపునిచ్చారు. ఆదివారం తిరుమల శ్రీవేంకటేశ్వరస్వామిని ఆయన కుటుంబ సమేతంగా దర్శించుకున్నారు.

విజయవాడ, ఏప్రిల్ 13: సింగపూర్ పర్యటనలో ఉన్న ముఖ్యమంత్రి చంద్రబాబు నాయుడును క్రికెట్ దిగ్గజం సచిన్ టెండూల్కర్ కలిశారు. సీఎం సింగపూర్ వెళ్లిన సమయంలో సచిన్ కూడా అక్కడే ఉండటంతో శుక్రవారం ఆయనను మర్యాదపూర్వకంగా కలిశారు. ఈసందర్భంగా వారిద్దరి మధ్య వివిధ అంశాలపై చర్చ జరిగింది. నెల్లూరు జిల్లాలో పుట్టంరాజువారి కండ్రిక గ్రామాన్ని సచిన్ ఇప్పటికే దత్తత తీసుకున్న విషయం తెలిసిందే.

అనంతపురం, ఏప్రిల్ 13 : ఈ ఏడాది జూన్ లేదా జూలై నాటికి కుప్పంకు హంద్రీనీవా ప్రాజెక్టు ద్వారా కృష్ణా జలాలను తరలిస్తామని అనంతపురం జిల్లా ఇన్‌చార్జి మంత్రి, రాష్ట్ర జల వనరుల శాఖ మంత్రి దేవినేని ఉమామహేశ్వరరావు స్పష్టం చేశారు. అనంతపురం నగరంలోని ఓ కళాశాలలో శుక్రవారం జల వనరుల శాఖ ఆధ్వర్యంలో ‘నీరు-ప్రగతి-జల సంరక్షణ’ అంశంపై ఏర్పాటు చేసిన సెమినార్‌ను మంత్రి దేవినేని ఉమా జ్యోతి ప్రజ్వలన చేసి ప్రారంభించారు.