విజయవాడ, అక్టోబర్ 8: నయా ఉదారవాద విధానాలకు ప్రపంచ వ్యాప్తంగా ప్రతిఘటన ఎదురవుతోందని, మన దేశంలోనూ ఈ విధానాలకు వ్యతిరేకంగా ప్రత్యామ్నాయ, లౌకిక ప్రజాతంత్ర ఐక్య ఉద్యమాలు నిర్మించాల్సిన అవసరం ఉందని సిపిఎం పొలిట్‌బ్యూరో సభ్యుడు ప్రకాష్ కారత్ అన్నారు.

కదిరి, అక్టోబర్ 8: అనంతపురం జిల్లా నల్లచెరువు మండల పరిధిలోని సంజీవపల్లి వద్ద ఆదివారం ఉదయం ఓ దినపత్రికకు చెందిన పేపర్ చేర వేసే జీపుపైకి లారీ దూసుకెళ్లిన సంఘటనలో నలుగురు దుర్మరణం చెందారు. వివరాలు.. అనంతపురం వైపు నుంచి చెన్నైకి వెళ్తున్న లారీ అదుపు తప్పి మదనపల్లి నుంచి అనంతపురం వైపు వెళ్తున్న బొలెరో వాహనంపైకి దూసుకెళ్లింది. ఈ సంఘటనలో బొలెరో వాహనం నుజ్జునుజ్జయింది.

నెల్లూరు, అక్టోబర్ 8: రాష్ట్ర ప్రభుత్వం ప్రస్తుతం రాజధాని అమరావతి నిర్మాణానికి నిర్దేశించిన ప్రాంతం సహేతుకం కాదని మాజీ ఛీప్ సెక్రటరీ ఐవైఆర్ కృష్ణారావు స్పష్టం చేశారు. ఆదివారం నెల్లూరులో పర్యావరణ పరిరక్షణపై ఏర్పాటు చేసిన ఓ సదస్సులో ఆయన ముఖ్యఅతిథిగా పాల్గొన్నారు. ఈ సందర్భంగా ఆయన మాట్లాడుతూ రాజధాని అమరావతి మునక ప్రాంతమని, భవిష్యత్తులో వరద ముంపునకు గురయ్యే అవకాశముందని హెచ్చరించారు.

ఆకివీడు, అక్టోబర్ 8: పశ్చిమ గోదావరి జిల్లా ఆకివీడులో ఆదివారం బాణాసంచాతో వెళుతున్న ఆటోలో హఠాత్తుగా సంభవించిన పేలుడులో ఒకరు సజీవదహనమయ్యారు. మరో ఇద్దరు తీవ్రంగా గాయపడ్డారు. ఇందుకు సంబంధించిన వివరాలిలా ఉన్నాయి. జిల్లా కేంద్రం ఏలూరులో నిర్వహిస్తున్న జాతర కోసం భీమవరంలోని ఎ ముసలయ్యకు చెందిన వెంకట మణికంఠ ఫైర్ వర్క్స్ నుంచి బాణాసంచాను ఆదివారం తెల్లవారుజామున ఆటోలో తరలిస్తున్నారు.