గురజాల, అక్టోబర్ 9: ప్రమాద వశాత్తు వాగులో కొట్టుకుపోయి ఇద్దరు మహిళలు మృతి చెందిన సంఘటన గుంటూరు జిల్లా గురజాల మండలం పాత అంబాపురం గ్రామంలో ఆదివారం రాత్రి జరిగింది. పోలీసుల కథనం ప్రకారం.. మండలంలోని పాత అంబాపురం గ్రామానికి చెందిన యడ్లపల్లి వరలక్ష్మి (50), గన్నవరపు చినలక్ష్మమ్మ (50) కలిసి పొలానికి వెళ్లి, సాయంత్రం పనులు ముగించుకుని తిరిగి వస్తూ మార్గ మధ్యంలో నల్లవాగును దాటేందుకు దిగారు.

శ్రీశైలం, అక్టోబర్ 9: శ్రీశైలం జలాశయం నీటిమట్టం క్రమంగా పెరుగుతోంది. జలాశయంలో ప్రస్తుతం 203 టిఎంసిల నీరు నిల్వ ఉంది. మరో రెండు అడుగుల నీరు చేరితే జలాశయం పూర్తిగా నిండుతుంది. ఎగువ నుంచి 50 వేల క్యూసెక్కుల నీరు వస్తోంది. జలాశయం పూర్తిస్థాయి నీటిమట్టం 885 అడుగులు కాగా సోమవారం 882.90 అడుగులకు చేరుకుంది. పూర్తిస్థాయి నీటి నిల్వ సామర్థ్యం 215 టిఎంసిలు కాగా ప్రస్తుతం 203.89 టిఎంసిల నీరు చేరింది.

విజయవాడ, అక్టోబర్ 9: వెలగపూడి సచివాలయంలో రాష్ట్ర మంత్రివర్గం మంగళవారం భేటీ కానుంది. ముఖ్యమంత్రి చంద్రబాబు నాయుడు అధ్యక్షతన జరిగే ఈ సమావేశంలో రాష్ట్ర ఆర్థిక పరిస్థితి, నిరుద్యోగ భృతి, తదితర అంశాలపై చర్చించనున్నారు. రాష్ట్రంలో గంజాయి సాగుపై కూడా చర్చ జరుగనుంది. దాదాపు 154 గిరిజన గ్రామాల్లో గంజాయి సాగు జరుగుతున్నట్లు గుర్తించారు.

విజయవాడ, అక్టోబర్ 9: కళా, సంస్కృతిక రంగాల్లో ప్రతిభకు పెద్దపీట వేసేందుకు వీలుగా ఇకపై రాష్ట్రంలోని అన్ని మున్సిపాలిటీల్లో ప్రతి ఆదివారం ఆనంద లహరి పేరిట వివిధ కార్యక్రమాలను నిర్వహించనున్నారు. రాష్ట్రంలోని అన్ని మున్సిపాలిటీల్లో, నగర పాలక సంస్థల్లో ప్రయోగాత్మకంగా ఆనందలహరి కార్యక్రమాన్ని నిర్వహించాలని గత నెలలో ముఖ్యమంత్రి చంద్రబాబు నాయుడు ఆదేశించారు.