న్యూఢిల్లీ, అక్టోబర్ 10: ఆంధ్రప్రదేశ్ శాసనసభ సమావేశాలు వచ్చే నవంబరు మొదటి వారంలో నిర్వహించనున్నట్టు స్పీకర్ కోడెల శివప్రసాద్ వెల్లడించారు. శాసనసభ వర్షాకాల, శీతాకాల సమావేశాలు రెండు కలిపి నవంబరు మొదటి వారంలో ప్రారంభమై, పది రోజులపాటు జరుగుతాయని ఆయన పేర్కొన్నారు.

విశాఖపట్నం, అక్టోబర్ 10: ఇన్ఫర్మేషన్ టెక్నాలజీని అడ్డుపెట్టుకుని ఉల్లంఘనలు, అక్రమాలకు పాల్పడేందుకు ఏ మాత్రం వీలు కాని విధంగా అందుబాటులోకి వచ్చిన బ్లాక్‌చైన్ సాంకేతికతను అందిపుచ్చుకునే క్రమంలో ఆంధ్రప్రదేశ్ అగ్రగామిగా నిలుస్తుందని పలువురు అభిప్రాయపడ్డారు. రెండు రోజుల పాటు విశాఖలో జరిగిన బ్లాక్‌చైన్ బిజినెస్ కాన్ఫరెన్స్ మంగళవారం ముగిసింది.

విజయవాడ, అక్టోబర్ 10: మారుతున్న కాలానికి అనుగుణంగా సాంకేతికతను మేళవించి మెరుగైన సమాజం కోసం పాత్రికేయులు విలువలతో కూడిన సమాచారాన్ని సమాజానికి అందించేందుకు నిరంతరం కృషి చేయాలని సమాచార పౌర సంబంధాలు, గ్రామీణ గృహ నిర్మాణ శాఖల మంత్రి కాలవ శ్రీనివాసులు పిలుపు ఇచ్చారు. మంగళవారం స్థానిక మొగల్రాజపురం రెవిన్యూ కాలనీలో ఆంధ్రప్రదేశ్ ప్రెస్ అకాడమీ కార్యాలయాన్ని మంగళవారం మంత్రి ప్రారంభించారు.

గుంటూరు, అక్టోబర్ 10: గుజరాత్ తరహాలో పెట్రోల్, డీజిల్‌పై వ్యాట్ సుంకాన్ని ఎత్తివేయాలని ప్రభుత్వాన్ని డిమాండ్‌చేస్తూ రాష్ట్ర బిజెపి కార్యవర్గ సమావేశం తీర్మానించింది. మంగళవారం గుంటూరులోని సిద్ధార్థ గార్డెన్స్‌లో జరిగిన ఈ సమావేశానికి ఏపి బిజెపి అధ్యక్షుడు కంభంపాటి హరిబాబు అధ్యక్షత వహించారు.