రాయచోటి, ఆగస్టు 14: ఫేస్‌బుక్ ద్వారా అమ్మాయిలకు గాలంవేసి వారిని ప్రేమపేరుతో మోసం చేసే నెల్లూరు జిల్లాకు చెందిన కైతేపల్లి పెంచల వరప్రసాద్‌ను కడప జిల్లా రాయచోటి పోలీసులు అరెస్టు చేశారు.

తిరుపతి, ఆగస్టు 14: తిరుపతి ఎస్వీయూ స్టేడియం 71వ స్వాతంత్య్ర దిన వేడుకలకు సన్నద్ధమైంది. సిఎం, ఇతర ప్రముఖులు ఆశీనులు కానున్న వేదికను అందంగా ముస్తాబు చేశారు. వివిధరకాల పుష్పాలతో, అందమైన డిజైన్లతో వేదిక ముందుభాగం ఆకర్షణీయంగా తీర్చిదిద్దారు. స్టేడియం చుట్టూ విఐపిలు, సామాన్యులు కూర్చోవడానికి వీలుగా గ్యాలరీలు ఏర్పాటయ్యాయి. తారకరామా స్టేడియం పంద్రాగస్ట్ వేడుకల ప్రత్యేక అలంకరణలతో ఆకట్టుకుంటోంది.

హైదరాబాద్, ఆగస్టు 14: వంతెన నిర్మాణ పనుల కారణంగా చెన్నై-గూడూరు సెక్షన్‌లో ఈ నెల 15న రెండు పాసింజర్ రైళ్లను రద్దు చేయడంతో పాటు పలు రైళ్లను దారిమళ్లించడం, మరికొన్నింటిని రీ షెడ్యూల్ చేసినట్లు దక్షిణ మధ్య రైల్వే తెలిపింది. ఈ సెక్షన్‌లో నాయుడుపేట యార్డ్, ఓడూరు యార్డ్ వద్ద వంతెన పనులు జరుగుతున్నందున ఈ నిర్ణయం తీసుకున్నట్లు తెలిపారు.

విజయవాడ (కార్పొరేషన్), ఆగస్టు 14: నంద్యాలలో ఉప ఎన్నికలు, కాపు నాయకుడు ముద్రగడ పద్మనాభం పాదయాత్ర నేపథ్యంలో కాపులను ప్రభావితం చేసేందుకు చంద్రబాబునాయుడు ప్రభుత్వం మరో వంచనకు దిగిందని పిసిసి అధ్యక్షుడు డాక్టర్ ఎన్ రఘువీరారెడ్డి ధ్వజమెత్తారు. మంజునాథ్ కమిషన్ నివేదిక ఎప్పటిలోగా పూర్తి అవుతుందో స్పష్టం చేయాలని సోమవారం ఒక ప్రకటనలో రఘువీరా డిమాండ్ చేశారు.