విజయవాడ, ఆగస్టు 15: హైదరాబాద్ నగరంలోని ఆర్‌టిసి ఆస్తుల పంపిణీపై తాడో పేడో తేల్చుకోటానికి అటు తెలంగాణా ఆర్‌టిసి ఇటు ఏపి ఆర్‌టిసి సిద్ధమవుతున్నాయి. రాష్ట్ర విభజన అనంతరం గడచిన మూడేళ్లలో ఇప్పటికి పలుమార్లు ప్రాథమిక చర్చలు జరిగాయి. ఇటీవల చివరగా జరిగిన సమావేశంలో రెండు రాష్ట్రాల రవాణాశాఖ మంత్రులు కూడా పాల్గొన్నారు. హైదరాబాద్‌లో వందల కోట్ల రూపాయల విలువైన 14 రకాల ఆస్తులపై తొలుత వివాదం నెలకొంది.

కర్నూలు, ఆగస్టు 15: స్వాతంత్య్ర దినోత్సవం రోజు ఆయా జిల్లా కేంద్రాల్లో జరిగే వేడుకల్లో మంత్రులు జాతీయ పతాకాన్ని ఆవిష్కరించడం ఆనవాయితీ. అయితే కర్నూలులో మంగళవారం జరిగిన స్వాతంత్య్ర దినోత్సవ వేడుకల్లో ఉప ముఖ్యమంత్రి కెయి స్థానంలో కలెక్టర్ సత్యనారాయణ జెండా ఎగురవేశారు.

కడియం, ఆగస్టు 14: నర్సరీలకు విద్యుత్తు మీటర్ల బిగింపును నిరసిస్తూ తూర్పు గోదావరి జిల్లా కడియం నర్సరీ రైతులు సోమవారం దేశవ్యాప్తంగా మొక్కలు ఎగుమతులు, దిగుమతులు నిలిపివేశారు. ఏడు గంటల పాటు నిరవధిక ఆందోళనకుదిగారు. గత ప్రభుత్వాలు నర్సరీలకు ఉచిత విద్యుత్‌ను అమలుచేశాయని, ప్రస్తుత ప్రభుత్వం నర్సరీలపై విద్యుత్ బిల్లుల భారం మోపే ప్రయత్నం చేస్తోందంటూ నర్సరీ రైతులు ఈ ఆందోళనకు దిగారు.

అమలాపురం, ఆగస్టు 14: దేశానికి స్వాతంత్య్రం లభించి 70 వసంతాలు పూర్తయిన సందర్భాన్ని పురస్కరించుకుని తూర్పు గోదావరి జిల్లా అమలాపురంలో సోమవారం 70వేల రూపాయి నాణేలతో 70 అడుగుల భారతదేశ పటాన్ని రూపొందించారు. అమలాపురానికి చెందిన ఎస్‌బిఐ సీనియర్ అసిస్టెంట్ ఇవటూరి రవిసుబ్రహ్మణ్యం స్థానిక సివి రామన్ పాఠశాల ఆవరణలో తాను సేకరించన 70వేల రూపాయి నాణేలతో ఈ అరుదైన కళాఖండాన్ని రూపొందించారు.