విజయవాడ, ఆగస్టు 17: 2010-13 సంవత్సరాల్లో డిగ్రీ అధ్యాపకులుగా పదోన్నతి పొందినవారికి ప్రభుత్వం తక్షణమే కమిషనరేట్ ఆఫ్ కాలేజి ఎడ్యుకేషన్ (సిసిఈ) ఫిట్‌మెంట్ ఫార్ములా అమలుచేయాలని ఏపి ప్రభుత్వ కళాశాలల గెజిటెడ్ అధ్యాపకుల సంఘం రాష్ట్ర ప్రభుత్వాన్ని డిమాండ్ చేసింది.

విజయవాడ, ఆగస్టు 17: ఓటమి భయంతో సిఎం చంద్రబాబు, ప్రతిపక్ష నేత వైఎస్ జగన్ పోటాపోటీగా కోట్లాది రూపాయల అక్రమార్జిత సొమ్మును విచ్చలవిడిగా ఖర్చు చేస్తున్నారని ప్రదేశ్ కాంగ్రెస్ కమిటీ అధ్యక్షుడు ఎన్.రఘువీరారెడ్డి ధ్వజమెత్తారు. ఎన్నికలు ప్రశాంతంగా నిబంధనల కనుగుణంగా జరిగితే దిమ్మతిరిగే ఫలితాలు రాగలవన్నారు. నంద్యాల ఉప ఎన్నికను రద్దుచేయాలని రఘువీరారెడ్డి డిమాండ్ చేశారు.

విజయవాడ: వెలగపూడిలోని సచివాలయాన్ని కేంద్ర ఆరోగ్య, కుటుంబ సంక్షేమ శాఖ సహాయ మంత్రి అనుప్రియ పటేల్ బుధవారం సందర్శించారు. విజయవాడలో జరిగిన ఒక కార్యక్రమంలో పాల్గొనేందుకు వచ్చిన, ఆమె సచివాలయాన్ని, అసెంబ్లీని, మున్సిపల్ కమాండ్ కంట్రోల్ విభాగాలను సందర్శించారు. అనంతరం ముఖ్యమంత్రి చంద్రబాబుతో సమావేశమయ్యారు.

విజయవాడ: దుల్హన్ పథకం ద్వారా ముస్లిం మైనార్టీ యువతులకు వివాహ సందర్భంగా ప్రభుత్వం నుంచి చెల్లిస్తున్న ప్రోత్సాహక మొత్తం ఇక నుంచి ‘సెర్ప్’ ద్వారా చెల్లించడానికి నిర్ణయం తీసుకున్నట్లు రాష్ట్ర మహిళా శిశు సంక్షేమ శాఖ మంత్రి పరిటాల సునీత వెల్లడించారు. బుధవారం ఆమె స్థానిక ఎన్టీఆర్ పరిపాలనా భవన సముదాయంలోని సెర్ప్ కేంద్ర కార్యాలయాన్ని సందర్శించి అమలులో ఉన్న పలు పథకాల పురోగతిని సమీక్షించారు.