కాకినాడ, ఆగస్టు 15: రాష్ట్రానికి నీరే ప్రగతి, సంపద అని, నీళ్ళు లేకపోతే కన్నీళ్ళే మిగులుతాయని ముఖ్యమంత్రి ఎన్ చంద్రబాబునాయుడు వ్యాఖ్యానించారు. జలాన్ని ప్రతి ఒక్కరు అతి పవిత్రంగా భావించాలని, జలసిరికి హారతులివ్వాలని పిలుపునిచ్చారు. వచ్చే మూడు నెలల్లో రాష్ట్రంలోని వివిధ జిల్లాల్లో 28 ప్రాజెక్టులు పూర్తిచేయాలని లక్ష్యంగా నిర్దేశించామన్నారు.

విజయవాడ, ఆగస్టు 15: దేశ స్వాతంత్య్రం కోసం త్యాగాలు చేసిన మహానుభావుల స్ఫూర్తితో నవ్యాంధ్ర నిర్మాణానికి ఉద్యోగులు పునరంకితం కావాలని ఏపి ఎన్జీవో రాష్ట్ర అధ్యక్షుడు పి అశోక్‌బాబు పిలుపునిచ్చారు. 71వ స్వాతంత్య్ర దినోత్సవాన్ని పురస్కరించుకుని విజయవాడ గాంధీనగర్‌లోని ఏపి ఎన్జీవో హోం రాష్ట్ర కార్యాలయంలో మంగళవారం జాతీయ పతాకావిష్కరణ కార్యక్రమంలో ఆయన మాట్లాడారు.

విజయవాడ, ఆగస్టు 15: ఎమ్మెల్సీ శిల్పా చక్రపాణిరెడ్డి రాజీనామాను శాసన మండలి చైర్మన్ రెడ్డి సుబ్రహ్మణ్యం ఆమోదించారు. తెలుగుదేశం పార్టీ తరపున కర్నూలు జిల్లా స్థానిక సంస్థల కోటా కింద ఎమ్మెల్సీగా ఎన్నికైన చక్రపాణిరెడ్డి, ఇటీవలే వైకాపాలో చేరారు. స్పీకర్ ఫార్మాట్‌లో రాజీనామా పంపడంతో దానిని మండలి చైర్మన్‌ను ఆమోదించారు. దీంతో ఒక ఎమ్మెల్సీ స్థానం ఖాళీ అయింది.

నంద్యాల, ఆగస్టు 15: రాష్ట్రానికి ప్రత్యేక హోదా సాధించడంలో ముఖ్యమంత్రి చంద్రబాబునాయుడు విఫలమయ్యారని వైకాపా అధినేత జగన్మోహన్‌రెడ్డి ఆరోపించారు. హోదాను కేంద్రం వద్ద తాకట్టుపెట్టిన ముఖ్యమంత్రి మీ వద్దకు వస్తాడని, ఆయన కాలర్ పట్టుకుని నిలదీయాలని అన్నారు. ఉప ఎన్నికల ప్రచారంలో భాగంగా మంగళవారం నంద్యాల పట్టణంలో జగన్ రోడ్ షో నిర్వహించారు.