అమరావతి, మార్చి 2: పదిమందిని బలిగొన్న దివాకర్ ట్రావెల్స్ బస్సు ప్రమాదంపై పార్టీ-ప్రభుత్వం అనుసరిస్తోన్న వ్యూహం, చర్యలపై తెలుగుదేశం పార్టీలో భిన్నాభిప్రాయాలు వ్యక్తమవుతున్నాయి.

అమరావతి, మార్చి 2: తెలుగుదేశం పార్టీలో ఎమ్మెల్సీ ఎన్నికల వేడి పెరుగుతోంది. గతంలో టికెట్లు లభించని వారు, ఇప్పటివరకూ జరిగిన ఎంపికల్లో స్థానం దక్కని సామాజికవర్గాలు ఈసారి ఎన్నికల్లో అవకాశం కోసం పార్టీ నాయకత్వంపై ఒత్తిడి చేస్తున్నాయి. పార్టీ అధినేత చంద్రబాబునాయుడు, జాతీయ ప్రధాన కార్యదర్శి లోకేష్‌తోపాటు పొలిట్‌బ్యూరో సభ్యులు, జిల్లా మంత్రుల చుట్టూ ప్రదక్షణలు చేస్తున్నారు.

విజయవాడ, మార్చి 2: ముప్ఫై తొమ్మిది సంవత్సరాలుగా శాసనసభలో సభ్యునిగా ఉన్నాను.. ముఖ్యమంత్రిగా, ప్రతిపక్ష నేతగా నా అంత సుదీర్ఘకాలం పనిచేసినవారు దేశంలో మరొకరు లేరు.. ఒక రాజధానిని అభివృద్ధి చేశాను, మరో రాజధానిని నిర్మించే బాధ్యతలు తీసుకున్నాను.. వరుసగా రెండు రాజధాని నగరాలను తీర్చిదిద్దే అవకాశం దక్కడం నా సుకృతం అని ముఖ్యమంత్రి చంద్రబాబునాయుడు అన్నారు.

తిరుపతి, మార్చి 2: తోటి భక్తురాలిగా నటిస్తూ ఒక వృద్ధ మహిళను నమ్మించి మత్తు మందు ఇచ్చి ఆమె నగలు అపహరించిన సంఘటన తిరుమలలో గురువారం జరిగింది. తిరుమలలో భక్తురాలిగా నటిస్తూ ఒకామె తిరువణ్ణామలైకి చెందిన శాంత, సుబ్రహ్మణ్యం దంపతులతో మాట కలిపింది. తాను మధుమేహానికి మందిస్తానని చెప్పి, భర్తను దూరంగా పంపించి భార్యకు మత్తుమందు ఇచ్చింది.