విజయవాడ, మార్చి 1: రాష్ట్ర విభజన ఉద్యమ నేపథ్యంలో అయిదేళ్లుగా ఆగిపోయిన చలన చిత్ర నంది పురస్కారాల ప్రదానం తిరిగి ప్రారంభమైంది. అత్యుత్తమ చిత్రాలకు ఆంధ్రప్రదేశ్ ప్రభుత్వం ఏటా ప్రకటించే నంది అవార్డులను 2012, 2013 సంవత్సరాలకు సంబంధించి బుధవారం ప్రకటించింది. 2012 సంవత్సరానికి ‘ఈగ’, 2013 సంవత్సరానికి ‘మిర్చి’ చిత్రాలు ఉత్తమ చిత్రాలుగా బంగారు నందులు సాధించాయ.

గుంటూరు, మార్చి 1: రాష్ట్ర అభివృద్ధి విషయంలో, రాజధాని నిర్మాణం విషయంలో ఎవరు ఎన్ని రకాలుగా అడ్డుపడ్డా ఆగేది లేదని ముఖ్యమంత్రి నారా చంద్రబాబు నాయుడు అన్నారు. రాజధానికి భవిష్యత్తులో ఎప్పటికీ వరద ముప్పు రాకుండా చూస్తున్నామని, రాష్ట్రంలోని అన్ని చారిత్రక సమస్యలకు శాశ్వత పరిష్కారాన్ని చూపిస్తున్నామని ఆయన పేర్కొన్నారు.

శ్రీకాళహస్తి, ఫిబ్రవరి 28: నూతన వధూవరులైన ఆది దంపతులు మంగళవారం కైలాసగిరి ప్రదక్షిణ చేసి అతిథులకు సంప్రదాయ రీతిలో వీడ్కోలు పలికారు. మహాశివరాత్రి బ్రహ్మోత్సవాలకు, కల్యాణోత్సవానికి విచ్చేసిన రుషులను, మునులను వారి వారి స్వస్థలాలకు చేర్చే ఉత్సవాన్ని రుషిరాత్రి అంటారు. ఈ సందర్భంగా మంగళవారం ఉదయం శ్రీ కాళహస్తీశ్వరాలయానికి స్వామి, అమ్మవార్ల ఉత్సవమూర్తులను గిరి ప్రదక్షిణకు తీసుకెళ్లారు.

గుంటూరు, ఫిబ్రవరి 28: గుంటూరుజిల్లా చినకోండ్రుపాడు విశ్వనగర్‌లో బుధవారం నుంచి విశ్వశాంతి సమైక్యతా వేడుకలు జరగనున్నాయి. ప్రతిరోజు గణపతి హోమం, ఏకాదశ రుద్ర పారాయణ, విశిష్ట పూజలు, ప్రత్యేక హోమాలు, పూజాది కార్యక్రమాలతో పాటు సాంస్కృతిక ప్రదర్శనలు, విశిష్ట వ్యక్తులకు సత్కారాలను నిర్వహిస్తారు.