నెల్లూరు, నవంబర్ 26: మున్సిపాలిటీల సమగ్రాభివృద్ధికి వేల కోట్ల నిధులు మంజూరు చేస్తున్నామని, దేశంలోనే అగ్రగామిగా రాష్ట్ర మున్సిపల్ శాఖను నిలుపుతామని రాష్ట్ర పురపాలక మంత్రి పొంగూరు నారాయణ స్పష్టం చేశారు. సోమవారం నెల్లూరులో ఏర్పాటు చేసిన విలేఖరుల సమావేశంలో ఆయన మాట్లాడుతూ సామాన్య ప్రజల సొంతింటి కల నెరవేర్చే క్రమంలో 9.58లక్షల ఇళ్ల నిర్మాణానికి శ్రీకారం చుట్టామన్నారు.

శ్రీకాకుళం: జిల్లాలోని పాలకొండ నియోజకవర్గం కెడికెల్ల నుంచి వైకాపా అధినేత జగన్నోహన్‌రెడ్డి పాదయాత్ర కొనసాగింది. ఈ మేరకు విక్రమపురి, చిట్టిపులివలస, నడుకూరు, వీరఘట్టం, చిదిమి మీదుగా వి.వెంకపేట వరకు సాగనున్నది.

విశాఖపట్నం, నవంబర్ 25:శబరిమల అయ్యప్ప ఆలయంలోకి మహిళల ప్రవేశంపై సర్వోన్నత న్యాయస్థానం ఇచ్చిన తీర్పును పునఃపరిశీలించాలని కోరుతూ అఖిల భారత అయ్యప్ప సేవా సంఘం విశాఖ జిల్లా శాఖ ఆధ్వర్యంలో విశాఖ నగరంలో ఆదివారం భారీ ర్యాలీ నిర్వహించారు. వందల సంఖ్యలో హాజరైన అయ్యప్ప దీక్షాధారులు జీవీఎంసీ గాంధీ విగ్రహం నుంచి మద్దిలపాలెంలోని తెలుగుతల్లి విగ్రహం వరకూ ర్యాలీ నిర్వహించారు.

విజయవాడ, నవంబర్ 25: ఆంధ్రప్రదేశ్‌లో 52,67,637 నకిలీ ఓట్లను గుర్తించినట్లు, దీనికి అదనంగా మరో 20 లక్షలకు పైగా బోగస్ ఓట్లు ఉన్నాయని మాజీ ఎంపీ ఉండవల్లి అరుణ్‌కుమార్ అన్నారు. నగరంలోని ప్రెస్‌క్లబ్‌లో ఆదివారం ఏర్పాటు చేసిన విలేఖరుల సమావేశంలో ఆయన మాట్లాడుతూ ప్రధానంగా 34లక్షల 17వేలు డూప్లికేట్, రిపీట్, అక్రమ, చెల్లని ఓట్లు ఉండగా, ఆంధ్ర ఓటర్లు 18లక్షల 50వేల మంది తెలంగాణ ఓటర్లుగా నమోదయ్యారని అన్నారు.