శ్రీ మూలస్థానమ్మ ఆలయ హండీ ఆదాయం 2.91 లక్షలు

చంద్రగిరి, మే 30 : చంద్రగిరిలోని శ్రీ మూలస్థాన ఎల్లమ్మ హుండీ ఆదాయం 2 లక్షలా 91 వేలు అని ఆలయ కార్యనిర్వహణాధికారి తిమ్మారెడ్డి అన్నారు. చంద్రగిరిలోని శ్రీ మూలస్థాన ఎల్లమ్మ ఆలయం హుండీని సోమవారం లెక్కించారు. ఈ నెల 2వ తేదీ నుంచి 30వ తేదీ వరకు హుండీ ఆదాయాన్ని లెక్కించగా 2లక్షలా 91 వేలా 74 రూపాయలు వచ్చిందని అన్నారు. ఈ ఆదాయాన్ని సప్తగిరి గ్రామీణ బ్యాంక్‌లో జమ చేశామని అన్నారు. ఈ కార్యక్రమంలో ఇన్‌స్పెక్టర్ ఫణిరాజ్‌కుమార్, ఆలయ సిబ్బంది, పోలీసులు తదితరులు పాల్గొన్నారు.