ఫోకస్
కాలం మారడం సహజం!
S ,7 à 8 RSCA (si SASPAS) et 6 cialis pharmacie cialis rapports de stage.
తెలంగాణలో తెలుగుదేశం పార్టీ కనుమరుగైనట్లేనని చెప్పవచ్చు. తెలంగాణ రాష్ట్ర సమితికి కాంగ్రెస్ పార్టీయే ప్రత్యామ్నాయం. బీహార్ ముఖ్యమంత్రిగా లాలూ ప్రసాద్ యాదవ్ విజయపరంపర కొనసాగించినా, జార్ఖండ్‌లో చతికిలపడ్డారు. ప్రాంతీయ పార్టీలు ఆయా రాష్ట్రాలకే పరిమితం అవుతున్నాయి. ఇది దేశ వ్యాప్తంగా కనిపిస్తున్న వాస్తవాలు. తెలంగాణ రాష్ట్ర సమితి ‘హవా’ ఇప్పుడు కనిపిస్తున్నా, అదే శాశ్వతంగా ఉండదు. ‘కాలం’ అనేది నాలుగు నెలలకు ఒకసారి మారుతుంటుంది. సంవత్సరం పొడుగునా ఒకే కాలం ఉండదు. అదేవిధంగా తెలంగాణ రాష్ట్ర సమితి ఇప్పుడు మున్సిపల్ కార్పొరేషన్ ఎన్నికల్లో, ఒకటి, రెండు ఉప ఎన్నికల్లో విజయం సాధించి జోరు మీద ఉన్నందున, అదే శాశ్వతం అనుకుంటే పొరపాటే. అసెంబ్లీకి 1994లో జరిగిన సార్వత్రిక ఎన్నికల సమయంలో తెలుగుదేశం పార్టీ వ్యవస్థాపక అధ్యక్షుడు ఎన్.టి. రామారావు ‘హవా’ కొనసాగింది. ఫలితంగా ఆ పార్టీ 227 స్థానాలు కైవసం చేసుకోగా, మా కాంగ్రెస్ పార్టీ 26 స్థానాలకే పరిమితమైంది. అప్పుడు ప్రధాన ప్రతిపక్ష హోదా కూడా దక్కలేదు. 26 మంది ఎమ్మెల్యేలే గెలుపొందినా, మా పార్టీ డీలాపడలేదు. పార్టీ శ్రేణులూ నీరసించలేదు. పార్లమెంటు, అసెంబ్లీ ఎన్నికల్లో కాంగ్రెస్ ఆశించిన విధంగా ఫలితాలు రాలేదు. అయినా ప్రజా సమస్యలపై పోరాటం చేయడం మానుకోలేదు. మా పార్టీకి అధికారం ముఖ్యం కాదు. ప్రజా శ్రేయస్సే ముఖ్యం. అందుకే కాంగ్రెస్‌కు దేశ వ్యాప్తంగా ప్రజాదరణ ఉన్నది. స్వాతంత్య్రం కోసం పోరాటం చేసిన పార్టీ కాంగ్రెస్. గెలుపు-ఓటమిలు సహజం. తాత్కాలిక ఓటమితో కృంగిపోవడం లేదు. గత సార్వత్రిక ఎన్నికలకు ముందు తెలంగాణ రాష్ట్రాన్ని సాధించిన విషయాన్ని ప్రజలకు చెప్పడంలో విఫలమయ్యాం. తెలంగాణకోసం కాంగ్రెస్, మరికొన్ని పార్టీలు, విద్యార్థులు, ఉద్యోగులు పోరాటం చేసినా అదంతా కెసిఆర్ అకౌంట్‌లో పడింది. అందుకే ఆ పార్టీ విజయం సాధించి, అధికారాన్ని చేపట్టింది. అయితే అది ఎంతో కాలం నిలవదు. త్వరలో ప్రజా విశ్వాసాన్ని కెసిఆర్ కోల్పోతారు. ఇచ్చిన హామీలు నెరవేర్చలేదు. ఇక తెలుగుదేశం పార్టీ విషయానికి వస్తే ఆ పార్టీకి ఇక తెలంగాణలో భవిష్యత్తు లేదు. ఆంధ్ర ప్రాంతానికి చెందిన వ్యక్తి పార్టీ జాతీయ అధ్యక్షునిగా ఉండడం, ఆంధ్రప్రదేశ్‌కు ముఖ్యమంత్రిగా ఉండడం వల్ల తెలంగాణలో నాయకత్వ లోపం ఉంది. ఉన్న 15 మంది ఎమ్మెల్యేలలో ఇప్పటికే డజను మంది టిఆర్‌ఎస్‌లో చేరారు. పార్టీ యంత్రాంగమంతా చిన్నాభిన్నమైంది. ఆ పార్టీ ఓటు బ్యాంకులో మెజారిటీ ఓట్లు తెలంగాణ ఇచ్చిన కాంగ్రెస్ వైపే వస్తాయని ఆశిస్తున్నాం.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.