ఫోకస్
న్యాయ దేవతను రోడ్డెక్కించారు!
S ,7 à 8 RSCA (si SASPAS) et 6 cialis pharmacie cialis rapports de stage.
ఆంధ్ర, తెలంగాణ ముఖ్యమంత్రుల తీరు వల్ల న్యాయ వ్యవస్ధ కూడా రోడ్డెక్కింది. హైదరాబాద్‌ను వదిలిపెట్టి ఆంధ్ర రాష్ట్ర ప్రభుత్వం అమరావతి రాజధానికి కదులుతోంది. హైకోర్టును కూడా వీలైనంత త్వరలో ఎటూ ఏర్పాటు చేసుకుంటారు. కేంద్రం కూడా రెండురాష్ట్రాల మధ్య నలుగుతున్న హైకోర్టు అంశాన్ని పరిష్కరించడంలో విఫలమైంది. ఈ మొత్తం గందరగోళానికి కారణం తెలంగాణ ముఖ్యమంత్రి కెసిఆర్, ఏపి ముఖ్యమంత్రి చంద్రబాబునాయుడు. హైకోర్టును వీలైనంత త్వరగా ఏపికి తరలించాలనే చిత్తశుద్ధి ఆంధ్ర ప్రభుత్వానికి కరవైంది. విభజన జరిగి రెండేళ్లయింది. ఇంతవరకు హైకోర్టును తరలించేందుకు అవసరమైన చర్యలు తీసుకోలేదు. ఈలోగా న్యాయాధికారుల కేటాయింపును వ్యతిరేకిస్తూ తెలంగాణ న్యాయవాదులు ఆందోళనకు దిగారు. ఆందోళన చేసినందుకు కొంత మంది న్యాయాధికారులను హైకోర్టు సస్పెండ్ చేసింది. ఇది నిజంగా బాధాకరమైన అంశం. ఈ మొత్తం వ్యవహారంలో కేంద్రం, ఆంధ్ర, తెలంగాణ ప్రభుత్వాలు న్యాయవాదులు,న్యాయాధికారులు, న్యాయ వ్యవస్ధను ఆడుకుంటున్నాయి. భేషిజాలు మాని ఇప్పటికైనా కేంద్రం జోక్యం చేసుకుని హైకోర్టు ఏర్పాటుకు అవసరమైన నిధులను ఏపికి కేటాయించాలి. దీనికి రోడ్ మ్యాప్‌ను ప్రకటించాలి. తెలంగాణ, ఆంధ్ర న్యాయవాదులు కూడా ప్రశాంతంగా ఉండి తమ డిమాండ్ల సాధనకు ప్రభుత్వాలపై వత్తిడి తేవాలి. ఆందోళనల వల్ల పవిత్రమైన న్యాయవృత్తి ఇమేజి దెబ్బతింటుంది. హైకోర్టును విభజించి ఇక్కడే ఆంధ్ర హైకోర్టు ఏర్పాటు చేసేందుకు చట్టం ఒప్పుకుంటుందా ? ఉమ్మడి రాజధాని పదేళ్లు పాటు అమలులో ఉంటుంది. కాభట్టి అమరావతిలో తగిన వౌలిక సదుపాయాలు లేకపోతే, ఏపికి అవసరమైన హైకోర్టు భవనాలను ఇక్కడ ఏర్పాటు చేయవచ్చు. రెండు ప్రభుత్వాలు విబేధాలను పక్కనపెట్టి చర్చించుకుని సాఫీగా హైకోర్టు విభజన ప్రక్రియకు చర్యలు తీసుకోవాలి. అలాగే హైకోర్టు కూడా పెద్ద మనుసుతో న్యాయాధికారులపై వేసిన వేటును ఉపసంహరించుకోవాలని కోరుతున్నాం.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.