ఫోకస్
నిర్లక్ష్యం నీడలో ఉన్నత విద్య
S ,7 à 8 RSCA (si SASPAS) et 6 cialis pharmacie cialis rapports de stage.
బంగారు తెలంగాణ విజ్ఞాన తెలంగాణవైపు దారితీస్తుందని భావించాను. తెలంగాణ ఏర్పాటు తర్వాత ఉన్నత విద్యారంగం మరింత దిగజారిందే తప్ప, మెరుగు కాలేదు. కొత్త యూనివర్సిటీలను ఏర్పాటు చేయడం వల్ల నాణ్యమైన విద్య గ్రామీణ విద్యార్థులకు అందుబాటులోకి వస్తుందని అంతా భావించారు. కాని వాస్తవపరిస్థితి ఇందుకు వ్యతిరేకంగా ఉంది. పాలమూరు, మహాత్మాగాంధీ, తెలంగాణ తదితర యూనివర్సిటీలలో బోధనా, బోధనేతర సిబ్బంది లేరు. ఉస్మానియా, కాకతీయ విశ్వవిద్యాలయాల్లోనే పరిశోధన (పిహెచ్‌డి) చేసే వీలుంది, మిగతా విశ్వవిద్యాలయాల్లో ఈ సదుపాయం కల్పించలేదు. విశ్వవిద్యాలయాల్లో 1500 ప్రొఫెసర్ పోస్టులు ఖాళీగా ఉన్నప్పటికీ, భర్తీ చేయడం లేదు. ఇక నాణ్యమైన విద్య ఏ విధంగా లభిస్తుందన్న ప్రశ్న ఉదయిస్తోంది. విద్యారంగానికి గత మూడు బడ్జెట్‌లలో ఇస్తున్న నిధులు చూడండి..ఎలా తగ్గిపోతున్నాయో! తెలంగాణ ఏర్పాటు తర్వాత తొలి ఏడు మొత్తం బడ్జెట్‌లో 10.59 శాతం నిధులు కేటాయించగా, రెండో ఏడు ఇది 9.69 శాతానికి తగ్గింది. ఈ ఏడు దీన్ని 8.23 శాతానికి తగ్గించారు. పైవేట్ కాలేజీలపై ప్రభుత్వం విధానం వల్ల దాదాపు 20 వేల మంది విద్యార్థులు ప్రవేశం పొందలేకపోయారు. ఫీజురీఇంబర్స్‌మెంట్ రాకపోవడం వల్ల ఈ పరిస్థితి తలెత్తింది. ప్రైవేట్ కాలేజీలను నియంత్రించడంలో తప్పులేదు..కాని పోలీసు అధికారులను పరిశీలన కోసం ఎందుకు పంపించారో ఎవరికీ అర్థం కావడం లేదు. ప్రైవేట్ కాలేజీల నుండి డబ్బుదండుకోవడానికే అనవసరమైన ప్రహసనాలు చేపట్టినట్టు తెలుస్తోంది. ఇలా ఉండగా రాష్ట్రంలో 11 విశ్వవిద్యాలయాలు ఉండగా, వీటిలో ఆరు విశ్వవిద్యాలయాలకు వైస్-్ఛన్సలర్లు లేరు. ఈ పరిస్థితిలో విశ్వవిద్యాయాల ద్వారా నాణ్యమైన విద్యను ఏ విధంగా ఆశించగలుగుతాము? ప్రతి శాసనసభా నియోజక వర్గంలో ఒక ఇంజనీరింగ్ కాలేజీ, పాలిటెక్నిక్, బిటిడి కాలేజీ పెడతామని టిఆర్‌ఎస్ తన ఎన్నికల ప్రణాళికలో హామీ ఇచ్చింది. ఈ హామీ ఇప్పటి వరకు అమలు కాలేదు.రాష్ట్రంలో ఉన్న 119 డిగ్రీకాలేజీల్లో పనిచేస్తున్న బోధనాసిబ్బందిలో 50 శాతం మంది కాంట్రాక్ట్‌ప్రాతిపదికన పనిచేస్తున్నారు. ఇదిసరైన విధానం కాదు. స్థానిక అవసరాలకు అనుగుణంగా ఆ యా యూనివర్సిటీల్లో కోర్సులను ఏర్పాటు చేస్తే బాగుండేది. బొగ్గుగనులు ఉన్న ప్రాంతంలో మైనింగ్ కోర్సులకు ప్రాధాన్యత ఇవ్వాలి..అలాగే ఇతర అంశాల్లో కూడా ఇదే రకమైన విధానాన్ని అమలు చేయాలి. ప్రభుత్వం శ్రద్ద తీసుకుంటేనే విజ్ఞాన తెలంగాణ ఏర్పాటుకు మార్గం ఏర్పడుతుంది.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.