ఫోకస్
స్మార్ట్‌సిటీలు ఓ భ్రమ
S ,7 à 8 RSCA (si SASPAS) et 6 cialis pharmacie cialis rapports de stage.
కేంద్ర ప్రభుత్వం చెబుతున్న స్మార్ట్ సిటీల నిర్మాణం అనేది ఒక భ్రమ. అది రంగుల ప్రపంచాన్ని చూపించడమే అవుతుంది. అసలు వౌలిక సదుపాయాలైన తాగునీరు, రోడ్లు, డ్రైనేజీలు, కమ్యూనికేషన్, శానిటేషన్, వీధిదీపాలు వంటివి సక్రమంగా లేని పట్టణాలు, ద్వితీయ స్థాయి నగరాలు చాలా ఉన్నాయి. వీటిని అభివృద్ధి చేయడం ద్వారా ప్రజల అవసరాలను తీర్చేందుకు అవకాశం ఉంటుంది. కానీ కేంద్ర మంత్రి వెంకయ్యనాయుడు చెబుతున్న స్మార్ట్ సిటీలు, వాటిలో గృహనిర్మాణం వంటి వాటికి ప్రాతిపదిక ఏమిటనేది సరిగ్గా చెప్పడం లేదు. ఈ ప్రాజెక్టును పబ్లిక్ ప్రైవేట్ పార్టనర్‌షిప్ (పిపిపి) పద్దతిలో చేపట్టడం ద్వారా ప్రైవేటు వ్యక్తులకు వ్యవస్థను అప్పగించడమే అవుతుంది. ప్రభుత్వ కనీస బాధ్యతలైన వౌలిక సదుపాయాల కల్పన చేపట్టకుండా వదిలించుకునే ప్రయత్నం చేస్తోంది. స్మార్ట్‌సిటీలు అనే దానికి తాము వ్యతిరేకం కాదు, చెప్పినట్లు జరిగితే అంతా మంచిదే. కానీ ఈ రకమైన ప్రచారం ద్వారా రాజకీయ లబ్ధి పొందడం, ప్రజలకు రంగుల ప్రపంచం చూపిస్తే చాలా తప్పు. జిడిపిలో 60 శాతం పట్టణాల నుంచి వస్తుంటే, అలాగే జనాభా కూడా 31 శాతం పట్టణాల్లోనే ఉన్నారు. విపరీతంగా పెరుగుతున్న పట్టణీకరణ, వలసలను దృష్టిలో ఉంచుకుని దీర్ఘకాలిక వ్యూహంతో ముందుకెళ్లాలి. గతంలో కూడా జెఎన్‌యుఆర్‌ఎం అనే పథకాన్ని ప్రవేశపెట్టారు. అసలు ఆ పథకం ఏమైంది? ఇప్పుడు ఉందో లేదా కూడా తెలీదు. ఇప్పుడు మళ్లీ అమృత్‌నగరాలని, స్వచ్ఛ్భారత్, స్మార్ట్ సిటీలు అంటూ రోజుకో రకమైన ప్రకటనలు చేస్తున్నారు. ప్రజలను గందరగోళంలోకి నెడుతున్నారు. ప్రతి స్మార్ట్ సిటీకి రూ.500 కోట్లు అంటున్నారు. దానిలో దశలవారీగా 100, 200 కోట్లు కేటాయిస్తున్నారు. స్మార్ట్ సిటీలుగా కొన్నింటిని అభివృద్ధి చేస్తే మిగిలిన పట్టణాల్లో వౌలిక సదుపాయాల పరిస్థితి ఏమిటి? ప్రభుత్వం ప్రజలకు వౌలిక సదుపాయాల కల్పన బాధ్యత కలిగి ఉండాలనేది రాజ్యాంగం చెబుతున్న సూత్రం. దానికి విరుద్ధంగా ప్రభుత్వం పిపిపి అంటూ ప్రచారం చేస్తున్నారు. 2014లో ఐక్యరాజ్య సమితి (యుఎన్‌ఓ) పట్టణీకరణ అంశంపై ఇచ్చిన నివేదికలో ప్రణాళిక లేని పట్టణీకరణ సరికాదని, విజయవంతం కాలేదని వెల్లడించింది. అటువంటి నివేదికలను కేంద్ర ప్రభుత్వం పూర్తిగా అధ్యయనం చేస్తే మంచిది. పట్టణాల్లో ఎంతోమంది పేదలు నివశిస్తున్నారు. వారికి కావాల్సిన సౌకర్యాలను కల్పించడంతోపాటు స్మార్ట్‌సిటీల నిర్మాణాన్ని కేంద్రం బాధ్యతాయుతంగా చేపడితే మంచిదే.
- వై.వి.రావు, సిపిఎం, ఎపి రాష్ట్ర కార్యదర్శివర్గ సభ్యుడు
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.