ఫోకస్
ఎందుకీ వివక్ష
S ,7 à 8 RSCA (si SASPAS) et 6 cialis pharmacie cialis rapports de stage.
స్మార్ట్ సిటీల ఆలోచన మంచిదే. కానీ అన్ని నగరాలను ఒకే గాటున కట్టే విధానం సరైనది కాదు. ఢిల్లీ జనాభా ఐదు కోట్లు, కాకినాడ జనాభా ఎనిమిది లక్షలు. స్మార్ట్‌సిటీల పేరుతో ఈ రెండు నగరాలను ఒకే గాటున కట్టి చూడడం వల్ల ఎలాంటి ప్రయోజనం ఉండదు. గ్రేటర్ హైదరాబాద్ మున్సిపల్ కార్పొరేషన్ ఆదాయం ఐదువేల కోట్ల రూపాయలు. స్మార్ట్‌సిటీల పేరుతో ఢిల్లీ, ముంబై, హైదరాబాద్, కాకినాడ అన్ని నగరాలకు ఒకే విధంగా వంద కోట్ల రూపాయలు కేటాయించడం వల్ల ఏ రకంగానూ సహేతుకంగా ఉండదు. దీనిని దృష్టిలో పెట్టుకొనే స్మార్ట్‌సిటీ విధానం మార్చాలని కేంద్రానికి ముఖ్యమంత్రి లేఖ రాశారు. స్మార్ట్‌సిటీలను మూడు కేటగిరిలుగా మార్చి, నగర ఆదాయం, జనాభా ప్రకారం ఈ కేటగిరిల్లో చేర్చాలి. స్మార్ట్‌సిటీ పేరుతో హైదరాబాద్‌కు వంద కోట్లు కేటాయిస్తే ఏ రకంగానూ సరిపోదని కేంద్రం దృష్టికి తీసుకు వచ్చాం. హైదరాబాద్‌కు బదులు కరీంనగర్‌ను చేర్చమని కోరాం. అయితే బిజెపి ఎందుకో మొదటి నుంచి తెలంగాణ పట్ల వివక్ష చూపుతోంది. తెలంగాణలో ఒక్క నగరం కూడా స్మార్ట్‌సిటీల జాబితాలో చేర్చలేదు. పైగా ఒక్క మార్కుతో వరంగల్ అవకాశం కోల్పోయిందని చెబుతున్నారు. తెలంగాణ ఆవిర్భావం నుంచి కేంద్రం తెలంగాణపై ఇదే విధంగా వివక్ష చూపుతోంది. ఇతర రాష్ట్రాలకు పెద్ద ఎత్తున ఇళ్లను కేటాయించిన కేంద్రం తెలంగాణకు మాత్రం తొలుత నామ మాత్రంగా పదివేల ఇళ్లను కేటాయించింది. అసంతృప్తి వ్యక్తం చేసి నిలదీసిన తరువాత కొంత పెంచారు. తెలంగాణ ఏర్పడగానే చంద్రబాబునాయుడు, వెంకయ్యనాయుడులు కలిసి ఖమ్మం జిల్లా నుంచి ఏడు మండలాలను ఆంధ్రలో కలిపారు. బిజెపి- టిడిపి కూటమి తెలంగాణకు మొదటి నుంచి ఏ విధంగా అన్యాయం చేస్తుందో మేం ప్రజలకు ఎప్పటికప్పుడు వివరిస్తూనే ఉన్నాం. గ్రేటర్ హైదరాబాద్ ఎన్నికల్లో కేంద్రం వివక్షపైనే మేం ప్రధానంగా ప్రజల దృష్టికి తీసుకు వెళ్లాం. తెలంగాణ పట్ల సవతి తల్లి ప్రేమ చూపుతున్న బిజెపిని ఎందుకు ఆదరించాలని ప్రశ్నించాం. ఇతర రాష్ట్రాలను ఏ విధంగా చూస్తున్నారో తెలంగాణకు సైతం అదే విధంగా న్యాయంగా నిధులు, పథకాలు మంజూరు చేయాలి. తెలంగాణ ఏర్పడినప్పుటి నుంచి ఇప్పటి వరకు ప్రధానమంత్రి నరేంద్ర మోదీ తెలంగాణలో అడుగు పెట్టలేదు, మరి బిజెపి నాయకులు ఏ ముఖం పెట్టుకుని తెలంగాణ ప్రజల ఓట్లు అడుగుతారని ప్రశ్నించాం. ఇప్పటికైనా కేంద్రం వివక్ష చూపడం మాని దేశంలోని అన్ని రాష్ట్రాలను సమంగా చూడాలి. స్మార్ట్‌సిటీ పథకంలో అన్ని నగరాలను ఒకే గాటున పెట్టకుండా కేటగిరిలుగా విభజించి పెద్ద నగరాలను ఇతర నగరాలను వేరువేరుగా చూడాలి.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.