Others
శతకోటి ప్రణామాలు తల్లీ
S ,7 à 8 RSCA (si SASPAS) et 6 cialis pharmacie cialis rapports de stage.
ఆకాశం లోనే కాదు
అర్ధాకలిలో కూడా సగానివే
పుట్టినప్పటి నుంచి
పురిటి శాపాన్ని భరిస్తూ
నీడనిచ్చే చెట్టులా కాపాడుతూనే ఉన్నావు
తరతరాలు నిన్ను
బిడ్డలని కనే యంత్రంగా
మార్చినా కూడా
చిరునవ్వుతో
మగాడి చేతుల్లో
రేపటి తరపు భవిష్యత్తుని
భద్రంగా అప్పగిస్తావు.
చదువుల్లో సరస్వతివై
లోకానికి జ్ఞానాన్ని పంచినా
లక్ష్మి లేని లోటు నిన్ను
కట్న అగ్నిలో పడేసి కాలబెట్టినా
క్షమయా ధరిత్రిలా
కన్నీళ్లతో బతికించేస్తుంటావు..
ఏడాదికోసారి ఒక దినాన్ని
నీ పేరుతో జరుపుకున్నా
తేదీల్లోనే తప్ప, బతుకులో మార్పేమీ
కనిపించదని తెలిసాక కూడా
చిరునవ్వుని మొలిపిస్తూ
నలుగురికి దారి చూపిస్తావు...
పోరాటానికి నిలువెత్తు
నిదర్శనానివి నువ్వు
వివక్షత నీవునడిచే దారుల్లో
ముల్లై గుచ్చుతున్నా
గాయాల పాదంతోనే
ముందడుగు వేస్తావు
సహనంలో భూదేవి కూడా
నిన్ను చూసి అసూయపడాల్సిందే
ప్రతినిత్యం ఎక్కడో ఒకచోట
నీ అస్తిత్వాన్ని సమాధి చేస్తున్నా
మొక్కవోని ధైర్యంతో
యుద్ధం చేస్తున్న ఓ వనితా
నీకివే మా వేల వందనాలు
మా తప్పులని కాచి
కడుపున పెట్టుకొని కాపాడు
అమ్మా తల్లి..!
నీకివే ప్రణామాలు
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.