సబ్ ఫీచర్
రాచరికపు పోకడలు
S ,7 à 8 RSCA (si SASPAS) et 6 cialis pharmacie cialis rapports de stage.
ప్రపంచ ఒలింపిక్ పోటీలలో బాడ్మిమింటన్‌లో రజతాన్ని పి.వి. సింధు, జిమ్నాస్టిక్‌లో కాంస్య పతకాన్ని దీపాకర్మాక్, రెజ్లింగ్‌లో సాక్షి కాంస్య పతకాన్ని సాధించి మన దేశ గౌరవాన్ని ఇనుమడింపజేసారు. అందుకు వారు అభినందనీయులు- సన్మాన సత్కారార్హులు. ఇందులో ఏమాత్రం సందేహం లేదు- ఇదే రీతిలో మిగతా రంగాలపట్ల మనం చూపిస్తున్నామా?- బాడ్మిమింటన్, క్రికెట్ వంటి ఆటల పట్ల చూపిస్తున్న తమకం- పోత్సాహం- హాకీ, ఫుట్‌బాల్, కబడ్డీ వంటి క్రీడల పట్ల చూపిస్తున్నామా?- లోతుగా ఆలోచిస్తే క్రికెట్, బాడ్మిమింటన్ వంటివి బ్రిటిష్ రాజరికంలో అంతఃపుర క్రీడలు- మరి హాకీ, ఫుట్‌బాల్, కబడ్డీ- మల్లయుద్ధం, కర్రసాము, కత్తిసాము- ముఖ్యంగా కేరళ యుద్ధ విద్య ‘కలరిపయట్టు’ విలువిద్యల పట్ల చూపిస్తున్నామా? ‘కలరిపయట్టు’ కత్తి- కర్రయుద్ధంలో డెబ్భై ఏండ్ల వయసుగల మీనాక్షమ్మ గురించి ఇటీవల తెలుసుకున్నాం. రాజమండ్రిలో ఒక వాచ్‌మెన్ ఉద్యోగం చేసే ఒక సామాన్యుడు అపర ద్రోణాచార్యుడిగా పేరు పొందాడు- పాదాలతో బాణాలు వేసే వాడట- బాణంతో నుదుట గాయం ఏమాత్రం కాకుండా బొట్టుపెట్టేవాడట- మరి అతని గురిం చి పత్రికలు ఎన్నడైనా ఇంత ఆర్భాటంగా రాసాయా?-
ఇకపోతే మరొక ప్రధాన రంగాన్ని విస్మరిస్తున్నాం. అదే దేశరక్షణ రంగం- కార్గిల్ రంగంలో దేశ రక్షణలో ప్రాణాలర్పించిన వీర కుటుంబాలకు మనం చేసిందేమిటి- క్రికెట్ వీరులకు బి.ఎమ్.డబ్ల్యూ కార్లు. నగదు బహుమతులు- అభినందనల వెల్లువలు. సత్కార పురస్కారాలు- హిమాలయాల సరిహద్దుల్లో సియాచిన్ ప్రాంతంలో ఇంచుమించు ఐదువేల ఏడువందల యాభై మీటర్ల ఎత్తున (అడుగులు కాదు) భయంకరమైన మం చులో సంవత్సరాల తరబడి కుటుంబాలకు దూరమై- ఒక్కొక్కప్పుడు మంచు లోయల్లో పడి జాడ కూడా తెలియకుండా మృత్యువాత పడిన సైనిక సోదరులకు మనం ఇస్తున్న గౌరవమేమిటి- అంతగా అయితే బిరుదులూ- వీరచక్రాలు. వారి కుటుంబాల గురించి ఎన్నడైనా ఆలోచిస్తున్నామా? బంగ్లాదేశ్ విముక్తి పోరాటంలో ప్రధాన వ్యూహకర్త ఐన డెబ్బయి యుద్ధాలు చేసిన దివంగత జనరల్ మానెక్షాను మనం ఎన్నడైనా స్మరిస్తున్నామా?- రజాకార్ల నుండి హైదరాబాద్‌ను తెలంగాణాను విముక్తం చేసిన జనరల్ చౌదరిని ఎన్నడైనా మర్యాదకోసమైనా స్మరిస్తున్నామా? 1962లో చైనాతో యుద్ధంలోనూ, 1965లో పాకిస్తాన్ యుద్ధంలో పఠాన్ టాంకులను నుగ్గుచేసిన యుద్ధ వీరులను- విమాన యోధుడైన అహ్మద్‌ను గుర్తుపెట్టుకున్నామా?అసలు వీరి గురించి నేటి యువతరానికి తెలియజేస్తున్నామా? ఇంకా ప్రధానమైన విషయం శ్రీహరికోట రక్షణశాఖ నిపుణులు- ఇస్రో అంతరిక్ష పరిశోధకులు- పోఖ్రాన్‌లో అణ్వస్త్ర పరీక్షలు చేసి దేశాన్ని అత్యున్నత స్థాయిలో నిలిపిన శాస్తజ్ఞ్రులు వీరికెన్నడైనా బి.ఎమ్.డబ్ల్యూ. కార్లు కోట్ల రూపాయల బహుమతులు- విశాలమైన నివాస స్థలాలు కేటాయించామా? లేదు- జై జవాన్- జైకిసాన్‌లకు మనం ఇస్తున్న ప్రోత్సాహమేమిటి?- ఏమీ లేదు- ‘‘శుష్క ప్రియాలు శూన్యహస్తాలు’’- మరి దేశానికి అవసరమైన రంగాలను నిరాదరణ చేస్తూ- ఆకర్షణ- ఆడంబర రంగాలకు పెద్దపీట వేస్తున్నాం- క్రికెట్ మీద చూపిన వ్యామోహం- బాడ్మిమింటన్ క్రీ డాకారులకు ఇస్తున్న పురస్కారాలు- బహుమతులు- కోట్లాది రూపాయ లు- ఇతర రంగాలతో తులనాత్మకంగా చూస్తే వివేకవంతుని గుండె తరుక్కుపోతుంది- ఐదు కోట్ల రూపాయలు తెలంగాణ సర్కారు, మూడు కోట్ల రూపాయలు, వెయ్యి గజాలు అమరావతిలో నివాస స్థలం బహుమతిగా ప్రకటించేశారు మన తెలుగు ముఖ్యమంత్రులు.ప్రజాస్వామ్యంలో ప్రజాధనాన్ని రాచరికపు పోకడలతో పంచటం న్యాయమేనా?- అసలు ఇలాంటి సత్కారాలకు సన్మాన నిర్ణయాలకు అధికారికమైన ప్రాతిపదిక ఏమీ లేదా?కేవలం ముఖ్యమంత్రుల ఇష్టాయిష్టాలేనా?- ఇది అధికార దుర్వినియోగం కాదా? ముఖ్యమంత్రులు రాచరికపు పోకడలు పోతున్నట్టు కా దా?
సంస్కృతంలో ఒక నానుడి ఉంది-
యదకృత్యం- తత్కృత్యం
ఎత్‌కృత్యం- తదకృత్యం- అని
ఏది చెయ్యాలో అది చెయ్యకపోవటం-
ఏది చెయ్యకూడదో అది చెయ్యటం- అలవాటుగా మారిపోయింది.
Related Articles
కరోనా వైరస్ ఇప్పుడు ప్రపంచాన్ని వణికిస్తున్న మహమ్మారి. ఈ భయంకరమైన వైరస్ ఎప్పుడు, ఎలా ఎటాక్ చేస్తుందో తెలియని పరిస్థితి.. మన చుట్టుపక్కల ఉన్నవారిలో ఎవరికి వైరస్ ఉందో తెలుసుకోవడం కూడా కష్టం. భారతదేశంలో కరోనా ప్రమాద ఘంటికలు మోగిస్తోంది.
ముఖ్యమంత్రి కె.చంద్రశేఖర్‌రావు తన పంతం నెగ్గించుకున్నారు. రాష్ట్ర శాసనసభలో పౌరసత్వ సవరణ చట్టం, జాతీయ పౌర పట్టిక, జాతీయ జనాభా పట్టికలను వ్యతిరేకిస్తూ తీర్మానం చేశారు. ఈ సందర్భంలో గతంలో చెప్పిన విషయాలను పునఃప్రస్తావించారు. వీటిలో ప్రధానమైన విషయమేమిటంటే..
యుద్ధతంత్రాలు విచిత్రంగా ఉంటాయి. స్పెయిన్ దేశ చరిత్ర చదవండి.. యూరపులో యుద్ధాలు జరిగినప్పుడు అంటువ్యాధుల కంబళ్లు ఉపయోగించారు. ఒక వ్యక్తికి ఆటలమ్మ(స్మాల్‌పాక్స్) వచ్చిందనుకోండి, అతని మీద కొన్ని దుప్పట్లు కప్పాలి. ఇలా దుప్పట్లలో సూక్ష్మజీవులు ప్రవేశిస్తాయి. ఈ దుప్పట్లను శత్రుదేశాలకు పంపుతారు.
ఎట్టకేలకు పౌరసత్వ సవరణ చట్టం (సీఏఏ)వల్ల భారతదేశ ముస్లింలకు ఎటువంటి నష్టం జరగదని కాంగ్రెసు పార్టీ అంగీకరించింది. ఢిల్లీ అల్లర్లపై పార్లమెంట్‌లో జరిగిన చర్చ సందర్భంగా రాజ్యసభలో కాంగ్రెసు నాయకుడు కపిల్ సిబాల్ ఈ విషయం చెప్పారు. హమ్మయ్య..
శ్రీరాముడు లేని రామాయణాన్ని ఎలా వూహించలేమో అలాగే శ్రీరాముడు లేని భద్రాచలక్షేత్రాన్ని వూహించలేం. భద్రాచలంలో వున్నది ఏ దేవాలయం అని అడుగుతే, ఆసేతు హిమాచలం రామాలయం అనే జవాబిస్తారు. అక్కడ వున్నది రామనారాయణుడి గుడి అని ఒక్కడు కూడా చెప్పడు.