సబ్ ఫీచర్
ప్రాణాలు తీస్తున్న లిఫ్టులు
S ,7 à 8 RSCA (si SASPAS) et 6 cialis pharmacie cialis rapports de stage.
బహుళ అంతస్తుల భవనాలు, అపార్టుమెంట్లలో ఇటీవలి కాలంలో జరిగిన ‘లిఫ్ట్’ల ప్రమాదాలలో మరణాలు సంభవించాయి. గత నెలలో హైదరాబాద్‌లోని హిమాయత్‌నగర్‌లో జరిగిన లిఫ్ట్ ప్రమాదంలో జీవితభీమా ఉద్యోగి ఒకరు మరణించిన తీరు విషాదానికి కారణమైంది. నిజానికి ఆయా భవంతులు, అపార్టుమెంట్లలో లిఫ్ట్‌ల నిర్వహణపై అటు బిల్డర్లకు, ఇటు నివాసం ఉంటున్నవారికి శ్రద్ధ లేదు. పర్యవేక్షించే అధికారులు లేరు. అసలు లిఫ్ట్‌ల నియంత్ర బాధ్యత ఎవరిదంటే ఎవరికీ తెలియదు. దక్షిణాది రాష్ట్రాలలో లిఫ్ట్‌ల నిర్వహణకు సంబంధించి మార్గదర్శకాలు ఉన్నాయి. వాటిని అమలు చేసి పర్యవేక్షించేందుకు చట్టాలు, యంత్రాంగం ఉన్నాయి. కాని తెలుగు రాష్ట్రాలైన తెలంగాణ, ఆంధ్రప్రదేశ్‌లలో మాత్రం లిఫ్ట్‌ల నియంత్రణ చట్టాలు లేకపోవడం విషాదం. దక్షిణాది రాష్ట్రాలలో చెన్నై, బెంగళూరు తరువాత వేగంగా అభివృద్ధి చెందుతున్న నగరం హైదరాబాద్. గడచిన మూడేళ్లలో రియల్ ఎస్టేట్ రంగం విస్తరించింది. ఎక్కడికక్కడ బహుళ అంతస్తుల భవనాలు, అపార్టుమెంట్లు పెరిగిపోయాయి. అయితే లిఫ్ట్‌ల నిర్వహణపై శ్రద్ధ లేక, జిహెచ్‌ఎంసి అధికారులు పట్టించుకోక ప్రమాదాలు జరుగుతున్నాయి. కొత్త అపార్టుమెంట్లు, భవనాలు నిర్మించేటపుడు లిఫ్ట్‌లు పెట్టుకునే వెసులుబాటుకు మున్సిపల్ అధికారులు అనుమతి ఇవ్వాల్సి ఉంటుంది. అయితే లిఫ్టులను పెట్టుకునేందుకు ఎవరు అనుమతి ఇవ్వాలన్నది ప్రత్యేకంగా లేదు. అందువల్ల ఎవరూ బాధ్యత తీసుకోవడం లేదు. లిఫ్ట్ యాక్ట్ వస్తే తప్ప ప్రమాదాలు తగ్గవని విద్యుత్‌శాఖ అధికారులు చెబుతున్నారు. తెలంగాణ ప్రభుత్వం ఆ దిశగా అడుగులు వేస్తున్నట్లు విద్యుత్‌శాఖ వర్గాలు చెబుతున్నాయి. జి-3 నిర్మాణాలకు లిఫ్టుల ఏర్పాటు తప్పనిసరి అని నేషనల్ బిల్డింగ్ కోడ్ (ఎన్‌బిసి) స్పష్టం చేస్తున్నది. ఒకవేళ లిఫ్టులు లేకపోయినా ‘ఎలివేటర్’ సౌకర్యం అయినా ఉండాల్సిందే. నిజానికి లిఫ్ట్ సౌకర్యం ఉందా లేదా అన్నది జిహెచ్‌ఎంసి అధికారులు చూడాలి. అయితే దాని నిర్వహణ జరుగుతున్నదా లేదా అన్నది వారికి సంబంధించిన వ్యవహారం కాదు. ఇదే సమస్యకు కారణం. లిఫ్ట్‌ల నాణ్యత లోపం, నిర్వహణ లోపం, విద్యుత్ సరఫరాలో హెచ్చుతగ్గులు ప్రమాదానికి ప్రధాన కారణాలు. 2015 నవంబర్‌లో దిల్‌సుఖ్‌నగర్ శ్రీ చైతన్య కళాశాలలో నర్సరీ చదువుతున్న జైనాబ్ లిఫ్ట్‌లో ఇరుక్కుపోయి ప్రాణాలు కోల్పోయిన సంఘటన గుర్తుండే ఉంటుంది. తెలంగాణ మంత్రి తలసాని శ్రీనివాస యాదవ్ అదే ఏడు డిసెంబర్‌లో ఎర్రగడ్డలోని ఒక ప్రయివేటు ఆస్పత్రిలో లిఫ్ట్‌లో ప్రమాదానికి గురైన విషయం తెలిసిందే. హైదరాబాద్ సుచిత్ర ప్రాంతంలోని ఒక హోటల్‌లో ముగ్గురు మహిళలు లిఫ్ట్ ప్రమాదంలో తీవ్రంగా గాయపడిన సంఘటన గత ఏడాది మార్చిలో జరిగింది. ఇలాంటి సంఘటనలు మళ్లీ జరగకుండా చూడాల్సిన బాధ్యత తెలుగు రాష్ట్ర ప్రభుత్వాలపై ఉంది.
Related Articles
కరోనా వైరస్ ఇప్పుడు ప్రపంచాన్ని వణికిస్తున్న మహమ్మారి. ఈ భయంకరమైన వైరస్ ఎప్పుడు, ఎలా ఎటాక్ చేస్తుందో తెలియని పరిస్థితి.. మన చుట్టుపక్కల ఉన్నవారిలో ఎవరికి వైరస్ ఉందో తెలుసుకోవడం కూడా కష్టం. భారతదేశంలో కరోనా ప్రమాద ఘంటికలు మోగిస్తోంది.
ముఖ్యమంత్రి కె.చంద్రశేఖర్‌రావు తన పంతం నెగ్గించుకున్నారు. రాష్ట్ర శాసనసభలో పౌరసత్వ సవరణ చట్టం, జాతీయ పౌర పట్టిక, జాతీయ జనాభా పట్టికలను వ్యతిరేకిస్తూ తీర్మానం చేశారు. ఈ సందర్భంలో గతంలో చెప్పిన విషయాలను పునఃప్రస్తావించారు. వీటిలో ప్రధానమైన విషయమేమిటంటే..
యుద్ధతంత్రాలు విచిత్రంగా ఉంటాయి. స్పెయిన్ దేశ చరిత్ర చదవండి.. యూరపులో యుద్ధాలు జరిగినప్పుడు అంటువ్యాధుల కంబళ్లు ఉపయోగించారు. ఒక వ్యక్తికి ఆటలమ్మ(స్మాల్‌పాక్స్) వచ్చిందనుకోండి, అతని మీద కొన్ని దుప్పట్లు కప్పాలి. ఇలా దుప్పట్లలో సూక్ష్మజీవులు ప్రవేశిస్తాయి. ఈ దుప్పట్లను శత్రుదేశాలకు పంపుతారు.
ఎట్టకేలకు పౌరసత్వ సవరణ చట్టం (సీఏఏ)వల్ల భారతదేశ ముస్లింలకు ఎటువంటి నష్టం జరగదని కాంగ్రెసు పార్టీ అంగీకరించింది. ఢిల్లీ అల్లర్లపై పార్లమెంట్‌లో జరిగిన చర్చ సందర్భంగా రాజ్యసభలో కాంగ్రెసు నాయకుడు కపిల్ సిబాల్ ఈ విషయం చెప్పారు. హమ్మయ్య..
శ్రీరాముడు లేని రామాయణాన్ని ఎలా వూహించలేమో అలాగే శ్రీరాముడు లేని భద్రాచలక్షేత్రాన్ని వూహించలేం. భద్రాచలంలో వున్నది ఏ దేవాలయం అని అడుగుతే, ఆసేతు హిమాచలం రామాలయం అనే జవాబిస్తారు. అక్కడ వున్నది రామనారాయణుడి గుడి అని ఒక్కడు కూడా చెప్పడు.