భవానిపట్న (ఒడిసా), ఫిబ్రవరి 20: గతంలో దేశాన్ని పాలించిన కాంగ్రెస్ ప్రభుత్వం ఉగ్రవాదం విషయంలో ‘బుజ్జగింపు విధానం’ అమలు చేయడం వల్లే ఉగ్రవాదం పెరిగిపోయిందని యూపీ ముఖ్యమంత్రి యోగి ఆదిత్యనాథ్ ఆరోపించారు. కేవలం నరేంద్రమోదీ పాలనలో మాత్రమే భారత్ ప్రజలు సురక్షితంగా ఉండి శాంతిసౌభాగ్యాలతో జీవిస్తారని ఆయన ఉద్ఘాటించారు.

న్యూఢిల్లీ, ఫిబ్రవరి 20: పర్యావరణ పరిరక్షణకు ఆచరణాత్మక ఆలోచనలతో ముందుకు రావాలని రాష్ట్రపతి రామ్‌నాథ్ కోవింద్ బుధవారం ఇక్కడ పిలుపునిచ్చారు. సహజ వనరులను సద్వినియోగం చేసుకోవడం ద్వారా కాలుష్యకారకాలపై ఉద్గారాలను తగ్గించ వచ్చని ఆయన ఉద్ఘాటించారు. అభివృద్ధి చెందిన, చెందుతున్న దేశాల్లో పర్యావరణానికి పెను సవాళ్లు ఎదురవుతున్నాయని ఆయన అన్నారు.

ఇటానగర్, ఫిబ్రవరి 20: అరుణాచల్ ప్రదేశ్ 33వ ఆవిర్భావ దినోత్సవంలో ముఖ్యమంత్రి పేమా ఖండూ శాసన సభ్యులకు క్లాస్ తీసుకున్నారు. ‘రాష్ట్భ్రావృద్ధి కోసం శాసన సభ్యులు టీమ్‌వర్క్‌తో పనిచేయాలి. మీ మైండ్‌సెట్ మారకపోతే జనం మరచిపోతారు’అని సీఎం హెచ్చరించారు. అభివృద్ధికి సంబంధించి పక్కా ప్రణాళికతో ముందుకెళ్తాలని ఆయన పిలుపునిచ్చారు.

చండీగఢ్, ఫిబ్రవరి 20: జలియన్‌వాలా బాగ్ మారణకాండ ఉదంతంపై బ్రిటిష్ ప్రభుత్వం క్షమాపణ చెప్పాలని కోరుతూ పంజాబ్ అసెంబ్లీ తీర్మానం చేసింది. మంత్రి బ్రహ్మ మొహీందర్ ఈ ప్రతిపాదన చేస్తూ బిల్లును ప్రవేశ పెటాటరు. పార్టీలకు అతీతంగా అందరూ దీనిని సమర్థించాలని కోరారు.