తిరువనంతపురం, డిసెంబర్ 3: శబరిమల వివాదం అంశం సోమవారం కేరళ అసెంబ్లీని కుదిపేసింది. ముఖ్యమంత్రి పినరయి విజయన్, ప్రతిపక్ష నేత రమేష్ చెన్నితల మధ్య తీవ్ర వాగ్వాదం చోటుచేసుకుంది. వరుసగా నాలుగోరోజూ సభలో ఎలాంటి కార్యక్రమాలూ చేపట్టలేదు. యూడీఎఫ్ ఎమ్మెల్యేలు ముగ్గురు అసెంబ్లీ ఎదుట సత్యాగ్రహం మొదలెట్టారు. సభ ప్రారంభం కాగానే కాంగ్రెస్ నాయకత్వంలోని యూడీఎఫ్ ఎమ్మెల్యేలు బిగ్గరగా నినాదాలు ప్రారంభించారు.

న్యూఢిల్లీ, డిసెంబర్ 3: అపార్థాలకు తావులేకుండా ప్రతి ఒక్కరూ నిర్భయంగా భావ వ్యక్తీకరణ చేసేలా విద్యావిధానం ఉండాలని మాజీ రాష్టప్రతి ప్రణబ్‌ముఖర్జీ సూచించారు. ఇక్కడి ఆనంద్‌పర్బత్‌లోని రామ్‌జాస్ స్కూల్ వార్షికోత్సవ సభలో సోమవారం ఆయన పాల్గొని ప్రసంగించారు. వేగంగా పరుగెడుతున్న ప్రపంచాన్ని మార్చగలిగే శక్తివంతమైన ఆయుధం విద్యేనని అన్నారు.

జైపూర్, డిసెంబర్ 3: రాజస్థాన్‌లో ‘రాణీ శకం’ముగిసిందని, బీజేపీ ఎంత ప్రచారం చేసినా మళ్లీ అధికారంలోకి రావడం కల్లని పీసీసీ అధ్యక్షుడు సచిన్ పైలట్ జోస్యం చెప్పారు. ముఖ్యమంత్రి వసుంధరరాజేను ఎవరూ కాపాడలేరని, ఆమె రాచరికపునేపథ్యం కూడా ఈ ఎన్నికల్లో పనిచేయదని ఆయన స్పష్టం చేశారు. ఎడారి రాష్ట్రం కాంగ్రెస్ వశం కావడం తథ్యమని పైలట్ ధీమా వ్యక్తం చేశారు.

అళ్వార్, డిసెంబర్ 2: ఎన్నికల తేదీ సమీపిస్తున్న కొద్దీ రాజస్థాన్ రాష్ట్రంలో ప్రచారం తీవ్రస్థాయికి చేరుకుంటోంది. ప్రధాన పార్టీలైన కాంగ్రెస్-బీజేపీ నువ్వానేనా అనే రీతిలో ప్రచారం సాగిస్తున్నాయి. ఈ రెండు పార్టీలతో పాటు పలు చిన్నపార్టీలు సైతం ఈసారి ఎన్నికల్లో తమ అదృష్టాన్ని పరీక్షించుకుంటున్నాయి. రాష్టవ్య్రాప్తంగా కేవలం ఒక్క అభ్యర్థిని మాత్రమే బరిలోకి దింపిన పార్టీలు ఇక్కడ 20 వరకు ఉన్నాయి.