బెంగళూరు, డిసెంబర్ 5: దేశంలోని గ్రామీణ ప్రాంతాల్లో బ్రాడ్ బ్యాండ్ సర్వీసులు అందించాలన్న లక్ష్యంతో ప్రయోగించిన అత్యంత బరువైన జీశాట్-11 ఉపగ్రహ ప్రయోగం విజయవంతమైంది. ఫ్రెంచి గుయానాలోని అంతరిక్ష సంస్థ నుంచి ఈ ఉపగ్రహాన్ని బుధవారం తెల్లవారుజామున ప్రయోగించినట్లు ఇస్రో చైర్మన్ డాక్టర్ శివన్ చెప్పారు. జీశాట్ ప్రయోగించిన 33 నిమిషాల ద్వారా అంతరిక్షంలోని కక్ష్యలో ప్రవేశించింది.

చెన్నై: తమిళనాడు దివంగత ముఖ్యమంత్రి జయలలిత రెండవ వర్ధంతి సందర్భంగా అన్నాడీఎంకే నేతలు, కార్యకర్తలు చెన్నైలో భారీ శాంతి ర్యాలీ నిర్వహించారు. ముఖ్యమంత్రి పళనిస్వామి, ఉప ముఖ్యమంత్రి పన్నీర్‌సెల్వం నేతృత్వంలో ఈ ర్యాలీ జరిగింది.
పటిష్ట భద్రతా ఏర్పాట్ల మధ్య అన్నా సలై నుంచి మెరీనా బీచ్‌లోని జయలలిత మెమోరియల్ వరకు ర్యాలీ జరిగింది. అనంతరం ఆమె సమాధి వద్ద ఘనంగా నివాళులు అర్పించారు.

బెంగళూరు: భారత అంతరిక్ష పరిశోధనా సంస్థ ఇస్రో మరో ఉపగ్రహాన్ని రోదసీలోకి విజయవంతంగా పంపింది. బ్యాడ్‌బ్రాండ్ సేవలను సమర్థవంతంగా వినియోగించుకునేందుకు, కొత్తతరం అప్లికేషన్ రూపకల్పన కోసం సమాచార ఉపగ్రహం జీశాట్-11ను ఇస్రో విజయవంతంగా ప్రయోగించింది. బిగ్‌బర్డ్‌గా పిలుచుకునే ఈ ఉపగ్రహ తయారీకి రూ.600 కోట్లు వెచ్చించింది.

హనుమాన్‌గర్ (రాజస్థాన్), డిసెంబర్ 4: ఇప్పుడు పాకిస్తాన్ దేశంలో ఉన్న కర్తాపూర్ వాస్తవానికి భారత్ భూభాగంలోనిదని, స్వాతంత్య్ర సమయంలో అప్పటి నేతలకు ముందు చూపులేకపోవడం, సిక్కుల మనోభావాలను గౌరవించకపోవడం వల్ల అది ఆ దేశానికి వెళ్లిపోయిందని ప్రధాని నరేంద్రమోదీ ఆరోపించారు.