మధ్యప్రదేశ్ ఎన్నికల ప్రచారంలో తలమునకలై ఉన్న ఏఐసీసీ అధ్యక్షుడు రాహుల్‌గాంధీ సోమవారం ఉజ్జయనీలోని మహాకాలేశ్వర ఆలయాన్ని సందర్శించారు. స్వామివారికి ప్రత్యేక పూజలు చేసిన అనంతరం అక్కడ జరిగిన బహిరంగ సభలో పాల్గొన్నారు. చిత్రంలో పార్టీ రాష్ట్ర ప్రచార కమిటీ చైర్మన్ జ్యోతిరాదిత్య సింధియా

న్యూఢిల్లీ: కేంద్ర హోంమంత్రి రాజ్‌నాథ్ సింగ్‌ను వైకాపా నేతలు కలిశారు. వైకాపా అధ్యక్షుడు వైఎస్ జగన్‌పై జరిగిన హత్యాయత్నంపై కేంద్ర దర్యాప్తు బృందంతో విచారణ జరిపించాలని వారు కోరారు. దాడి కేంద్రం ఆధ్వర్యంలోని విమానాశ్రయంలో జరిగింది కాబట్టి అది రాష్టప్రరిధిలోకి రాదని ముఖ్యమంత్రి చంద్రబాబు అన్నట్లు వైకాపా నేతలు కేంద్రమంత్రి దృష్టికి తీసుకువెళ్లినట్లు వెల్లడించారు.

న్యూఢిల్లీ, అక్టోబర్ 28: భారతీయ కుటుంబ వ్యవస్థ ఆదర్శప్రాయమైనదని, ఉమ్మడి కుటుంబాలను కాపాడుకోవాలని ఉపరాష్టప్రతి ఎం. వెంకయ్య నాయుడు పిలుపు ఇచ్చారు. ఆదివారం తమ నివాసంలో రెండు రోజులపాటు నిర్వహించిన మిత్రుల ఆత్మీయ సంగమంలో ఆయన ప్రసంగించారు.

న్యూఢిల్లీ, అక్టోబర్ 28: షెడ్యూల్డు కులాలు, షెడ్యూల్డు తెగల (అత్యాచారాల నిరోధక) చట్టానికి చేసిన సవరణలను కేంద్ర ప్రభుత్వం సుప్రీంకోర్టులో గట్టిగా సమర్థించుకుంది. ఈ చట్టం కింద అరెస్టులను నీరుగార్చేట్టుగా అత్యున్నత న్యాయస్థానం ఇచ్చిన తీర్పును అధిగమించడానికి కేంద్ర ప్రభుత్వం ఈ చట్టానికి సవరణలు చేసిన విషయం తెలిసిందే. చట్టాలకు ఇలాంటి సవరణలు చేసే అధికారం పార్లమెంటుకు ఉందని కూడా ప్రభుత్వం పేర్కొంది.