ముంబయి, అక్టోబర్ 23: వచ్చే ఏడాది జరిగే లోక్‌సభ ఎన్నికలకు ముందే జాతీయస్థాయిలో బీజేపీయేతర పక్షాలతో కూటమిని ఏర్పాటు చేయడం బహుశా సాధ్యం కాకపోవచ్చునని, అయితే కేంద్రంలో అధికారంలో ఉన్న ఎన్‌డీఏ ప్రభుత్వాన్ని గద్దె దింపడానికి ఆ పార్టీలన్నింటినీ ఒక వేదికమీదకు తీసుకురావడానికి ప్రయత్నిస్తాన ని నేషనల్ కాంగ్రెస్ పార్టీ (ఎన్‌సీపీ) అధ్యక్షుడు శరద్‌పవార్ అన్నారు.

ముంబయి, అక్టోబర్ 23: శరణార్థులు, అక్రమ వలసదారుల మధ్య తేడా ఉందని, ఈ విషయాన్ని గుర్తించాలని కేంద్రమంత్రి స్మృతి ఇరానీ అన్నారు. అస్సాంలో జాతీయ పౌరరిజిస్టర్ పౌరసత్వం (సవరణ) బిల్లు అంశంపై మాట్లాడుతూ పై విధంగా అన్నారు. కొన్ని నెలల క్రితమే జాతీయ పౌరరిజిస్టర్ ముసాయిదాను ప్రచురించినట్లు చెప్పారు.

గువాహటి, అక్టోబర్ 23: ఈనెల 25 నుంచి అసోంలోని గువాహటి ఇంటర్నేషనల్ ఫిల్మ్ ఫెస్టివల్ రెండో ఎడిషన్‌లో 50 దేశాలకు చెందిన 108 చిత్రాలు ప్రదర్శితం కానున్నాయి. ఏడురోజుల పాటు అత్యంత వైభవంగా జరిగే ఈ ఫిల్మ్‌ఫెస్టివల్‌లో ఎనిమిది మంది అంబాసిడర్లు సహా 45 మంది విదేశీ ప్రతినిధులు పాల్గొంటారు.

న్యూఢిల్లీ, అక్టోబర్ 23: దేశంలో ప్రతిష్టాత్మకమైన వ్యవస్థలను నిర్వీర్యం చేసేందుకు బీజేపీ కుట్రపన్నుతోందని సీపీఎం ప్రధానకార్యదర్శి సీతారాం ఏచూరి ధ్వజమెత్తారు. సీబీఐ ప్రతిష్ట మసకబారే విధంగా కేంద్రం చర్యలు ఉన్నాయన్నారు. ఈ విషయమై ఆయన ట్వీట్ చేశారు. దేశాన్ని, వ్యవస్థలను బలహీనపరిచేందుకు బీజేపీ చేస్తున్న ఎత్తుగడలను ఓడించాలన్నారు.