ఫోకస్
సెన్సార్ బోర్డు కఠినంగా ఉండాలి
S ,7 à 8 RSCA (si SASPAS) et 6 cialis pharmacie cialis rapports de stage.
సినిమాల్లో, టివీ ఛానళ్ళలో ప్రసారమయ్యే వివిధ కార్యక్రమాల్లో, సీరియళ్ళలో అశ్లీలత పెరుగుతోంది. దీనికి అడ్డుకట్ట వేయాలి. మహిళలను అశ్లీలంగా చూపించడం, ద్వంద్వ అర్థాలు వచ్చేలా డైలాగులు వేయడాన్ని ఖండించాలి. అటువంటి సినిమాలపై, టివీ సీరియళ్ళపె ప్రభుత్వం చర్య తీసుకోవాలి. సినిమాల విషయంలో సెన్సార్ బోర్డు కఠినంగా వ్యవహారించాలి. అటువంటి సన్నివేశాలను తొలగిస్తారా లేక ఆ సినిమా విడుదలకే సర్ట్ఫికేట్ ఇవ్వకుండా నిలిపి వేస్తామని హెచ్చరిస్తే వారే దారికి వస్తారు. మహిళలను తక్కువ చేసి చూపించే కార్యక్రమాల్లోనూ మహిళలే ఉండడం బాధ కలిగిస్తున్నది. టివీల్లో ప్రసారమవుతున్న పలు కార్యక్రమాల్లో వేస్తున్న డ్రెస్సింగ్స్ చూడలేకపోతున్నాం. పవిత్రమైన మన దేశ సంస్కృతిని మంటగలిపేలా చేయడం భావ్యం కాదు. ఇటీవల సినీనటుడు చలపతి రావు చాలా అసభ్య పదజాలాన్ని ఉపయోగించారు. దానిపై మహిళా సంఘాలు ఉవ్వెత్తున లేవడంతో, సదరు నటుడు దిగివచ్చారు. యాక్షన్‌కు రియాక్షన్ ఉండాలి, అప్పుడే ఇటువంటివి పునరావృతం కావు. మహిళలను ఎంతో గౌరవించే మన దేశంలో ఇటువంటి అశ్లీల దృశ్యాలు, అసభ్య పదజాలం ఉపయోగిస్తున్నారు. ఏదైనా సినిమాకు కుటుంబంతో కలిసి వెళ్ళే పరిస్థితి లేదు. ఇంట్లో అందరూ సరదాగా ఒక టివీ కార్యక్రమాన్ని వీక్షించే పరిస్థితి లేదు. చాలా ఇబ్బందికరమైన పరిస్థితులు ఉంటున్నాయి. ఈ మధ్య కాలంలో వాట్సాప్ సంస్కృతి ఎక్కువైంది. సోషల్ మీడియా పేరుతో మన సంస్కృతి, సంప్రదాయాలకు కొంతమంది విఘాతం కలిగిస్తున్నారు. ఎప్పటికప్పుడు సోషల్ మీడియాద్వారా సమాచారం తెలుసుకోవడం మంచిదే కానీ కొంతమంది పంపిస్తున్న అశ్లీల దృశ్యాలు, అసభ్యపదజాలంతో కూడిన జోక్స్‌తో మహిళలు బాధ పడుతున్నారు. అడ్డుఅదుపు లేకుండా మహిళల అశ్లీల ఫొటోలు, జోక్స్ పెడుతున్నారు. దీనిని కట్టడి చేసేందుకు ప్రతి ఒక్కరూ నడుం బిగించాలి. చట్ట సభల్లో మహిళలకు 50 శాతం రిజర్వేషన్లు కల్పిస్తాం, అది చేస్తాం, ఇది చేస్తాం అంటూ నాయకులు మైకుల్లో ప్రసంగాలు ఊదరగొట్టడం కాదు, మహిళలకు సముచితమైన స్థానం కల్పించడం, వారికి సమాజంలో గౌరవప్రదమైన స్థానం కల్పించేందుకు కృషిచేయాలి. ప్రతి ఒక్కరికీ తల్లి, చెల్లి, భార్య ఉంటారన్న విషయాన్ని మరిచిపోరాదు. భవిష్యత్తులో మహిళలను కించపరిచేలా ఏ సినిమా వచ్చినా, టివీల్లో ఏ కార్యక్రమం ప్రసారమైనా మహిళలు కనె్నర్ర చేయాలి. వారికి తగురీతిలో బుద్ధిచెప్పాలి. వీటిని న్యాయపరంగా కూడా ఎదుర్కొవడానికి సిద్ధం కావాలి. వారిలో మార్పు వస్తుందని ఆశిద్దాం. సెన్సార్ బోర్డు, కోర్టులూ మహిళల గౌరవ మర్యాదలకు విఘాతం కలగకుండా రక్షణ కల్పిస్తుందని ఆశిస్తున్నాను.
- సుజాత గుప్త కాల్వ, అధికార ప్రతినిధి, టి.పిసిసి
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.