ఫోకస్
స్పష్టత లేని నియామకాలు
S ,7 à 8 RSCA (si SASPAS) et 6 cialis pharmacie cialis rapports de stage.
ఉద్యోగ నియామకాలపై తెలంగాణ ముఖ్యమంత్రి కెసిఆర్ చేసిన ప్రకటనలో స్పష్టత లేదు. పైగా నిరుద్యోగుల్లో గందరగోళానికి దారితీసింది. స్వాతంత్య్ర దినోత్సవం సందర్భంగా గోల్కండ కోటలో కెసిఆర్ చేసిన తాజా ప్రకటన, వాగ్దానంలో స్పష్టత కొరవడింది. రాష్ట్రంలో ముందున్న 10 జిల్లాలను 31 జిల్లాలుగా మార్చారు. నియామకాలకు ఈ మొత్తం జిల్లాలను ప్రాతిపదికగా తీసుకుంటారా? లేక 10 జిల్లాలను ప్రాతిపదికగా తీసుకుంటారా? అనేది తెలియక నిరుద్యోగుల్లో అయోమయం నెలకొంది. పైగా రాష్టప్రతి ఉత్తర్వులు ఇంకా అమలులోనే ఉన్నాయి. వీటికి తోడుగా రాష్ట్రంలో ఇకమీదట రెండే జోన్‌లు ఉంటాయని, అవి 1) రాష్ట్ర స్థాయి, 2) జిల్లా స్థాయిగా ఉంటాయని ఇటీవల ప్రభుత్వం ప్రకటించింది. దానిపై కూడా ఇంకా స్పష్టత ఇవ్వలేదు. ఈ సంవత్సరం 84,876 ఉద్యోగ నియామకాలను చేపట్టనున్నట్లు, వాటితో పాటు వచ్చే ఏడాది ఖాళీలను కూడా ఇప్పుడే భర్తీ చేస్తున్నట్లు ముఖ్యమంత్రి కెసిఆర్ చెప్పడం సంతోషమే. కానీ గడిచిన మూడు సంవత్సరాల్లో చేపట్టిన 27,600 నియామకాలలో ఏయే ప్రభుత్వ శాఖల్లో ఏ మేరకు నియామకాలు పూర్తి చేశారు? అసలు మూడేళ్ళలో ఎన్ని ఉద్యోగుల పదవీ విరమణ జరిగింది? ఎన్ని ఖాళీలు ఉన్నాయో వివరించాలి. ఉద్యోగుల నియామకాలలో వౌలిక సమస్యలను, చిక్కులను పరిష్కరించకుండా కేవలం పబ్లిక్ సర్వీసు కమిషన్ ద్వారా నోటిఫికేషన్లను జారీ చేయిస్తూ, పరీక్షలు నిర్వహించి ఫలితాలు వెల్లడించకుండా, లేదా రద్దు చేయించడం ద్వారా ప్రత్యేక రాష్ట్రం కోసం అనేక త్యాగాలు చేసిన యువకుల్లో నిరాశ కలిగిస్తున్నది. కోటి ఆశలతో ఎదురు చూస్తున్న యువతకు లక్షకు పైగా నియామకాలను పూర్తి చేస్తామంటూ ఇంకా మభ్య పెట్టకుండా వారికి వాస్తవాలు చెప్పి చిత్తశుద్ధితో ఉద్యోగ నియామకాలు చేపట్టాలి. స్పష్టత లేని, పొంతన లేని ప్రకటనలు చేస్తూ నిరుద్యోగులను అయోమయానికి గురి చేయవద్దని ముఖ్యమంత్రి కెసిఆర్‌ను కోరుతున్నాను. ఉద్యోగ నియామకాలకోసం ఎదురుచూస్తున్న ఉద్యోగ, ఉపాధి అవకాశాలు కల్పించి వారి జీవితాల్లో వెలుగులు నింపాలని ముఖ్యమంత్రి కెసిఆర్‌ను కోరుతున్నాను.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.