హైదరాబాద్/రాజేంద్రనగర్, ఆగస్టు 3: బోధన, పరిశోధన, విస్తరణ రంగాలలో గత నాలుగేళ్లులో తీసుకువచ్చిన సంస్కరణల ఫలితంగా ప్రొఫెసర్ జయశంకర్ తెలంగాణ రాష్ట్ర వ్యవసాయ విశ్వవిద్యాలయం జాతీయ స్థాయిలో ఆరవ ర్యాంకు సాధించింది. భారత వ్యవసాయ పరిశోధనా మండలి దేశవ్యాప్తంగా వ్యవసాయ వర్సిటీల పనితీరును బట్టీ ప్రతి ఏడాది ర్యాంకులు ఇస్తోంది.

హైదరాబాద్, ఆగస్టు3: ప్రతిష్టాత్మక సంస్థలతో ఆధునిక, సాంకేతిక పరిజ్ఞానాన్ని నీటిపారుదలశాఖ పంచుకుంటోందని సంబంధిత మంత్రి తన్నీరు హరీశ్‌రావు అన్నారు. నీటిపారుదల సమాచార వ్యవస్థను ఇప్పటికే ఇస్రోతో ఒప్పందం కుదుర్చుకోగా, తాజాగా మిషన్ కాకతీయ కార్యక్రమంపై అధ్యయనం చేసే బాధ్యతను ఇక్రిసాట్‌కు అప్పగించామన్నారు.

హైదరాబాద్, ఆగస్టు 3: కేంద్ర ప్రభుత్వం గణతంత్ర దినోత్సవం సందర్భంగా ప్రకటించే ‘పద్మ’ అవార్డులకు ఇంత వరకూ 11,475 దరఖాస్తులు అందినట్టు కేంద్ర హోం మంత్రిత్వశాఖ ప్రకటించింది. అయితే అపుడే ఇందులో 10,453 దరఖాస్తుల పరిశీలన కూడా పూర్తయిందని హోం శాఖ పేర్కొంది. గత ఏడాది 16వేల దరఖాస్తులు రాగా, అంతకుముందు సంవత్సరం 18వేల పైచిలుకు దరఖాస్తులు వచ్చాయి.

హైదరాబాద్, ఆగస్టు 3: ప్రభుత్వ ఉన్నత విద్యా సంస్థల్లో ప్రధానంగా జూనియర్ కాలేజీలు, డిగ్రీ కాలేజీలు, వృత్తి విద్యా కాలేజీల విద్యార్థులకు మధ్యాహ్న భోజనం అందించాలని మంత్రివర్గ ఉపసంఘం శుక్రవారం నాడు నిర్ణయించింది. ఉప ముఖ్యమంత్రి కడియం శ్రీహరి అధ్యక్షతన సమావేశమైన మంత్రివర్గ ఉపసంఘం ఈ అంశంపై ఏకాభిప్రాయాన్ని వ్యక్తం చేసింది.