హైదరాబాద్‌: నిబంధనలకు విరుద్ధంగా చాక్లెట్లు తయారుచేస్తున్నారన్న ఆరోపణలు రావడంతో నగరంలోని మల్లేపల్లిలో లిక్కర్‌ చాక్లెట్ల తయారీ కేంద్రంపై ఎక్సైజ్‌ అధికారులు శుక్రవారం దాడులు చేశారు. భారీగా మద్యం సీసాలు స్వాధీనం చేసుకున్నారు. నగరంలో వందకు పైగా లిక్కర్‌ చాక్లెట్ల తయారీ కేంద్రాలకు నోటీసులు జారీచేసేందుకు అధికారులు సన్నాహాలు చేస్తున్నారు.

హైదరాబాద్‌: రాజేంద్రనగర్‌లోని నేషనల్‌ పోలీస్‌ అకాడమీకి కేంద్ర హోంశాఖ మంత్రి రాజ్‌నాథ్‌సింగ్‌ శుక్రవారం
చేరుకున్నారు. అనంతరం శిక్షణలో ఉన్న ఐపీఎస్‌లతో ఇష్టాగోష్టిలో పాల్గొంటారు. గ్రేహౌండ్స్‌ క్యాంపస్‌ను సందర్శిస్తారు. అకాడమీలో కొత్తగా నిర్మించిన భోజనశాలను రాజ్‌నాథ్‌ ప్రారంభించనున్నారు.

న్యూఢిల్లీ, సెప్టెంబర్ 1: తెలంగాణలో ఐఐఎం ఏర్పాటు చేయాలని ఉప ముఖ్యమంత్రి కడియం శ్రీహరి కేంద్రానికి విజ్ఞప్తి చేశారు. భేటి-బచావో భేటి-పడావో పథకం ద్వారా పనె్నండో తరగతి వరకు ఇంగ్లీష్ మీడియం రెసిడెన్షియల్ పాఠశాలలను ఏర్పాటు చేయాలని కేంద్రాన్ని కోరినట్లు ఆయన చెప్పారు.

హైదరాబాద్ : అవిభక్త కవలలు వీణ-వాణిలకు ఆపరేషన్ చేసేందుకు ఆస్ట్రేలియాకు చెందిన డాక్టర్లు సుముఖత వ్యక్తం చేశారు. వీణ-వాణిల రిపోర్టులను ఆస్ట్రేలియా వైద్యులు అధ్యయనం చేస్తున్నారు. వరంగల్ జిల్లాకు చెందిన వీణా-వాణిలు ప్రస్తుతం నగరంలోని ఓ హోంలో ఉంటున్నారు. ఆపరేషన్ చేస్తే వీణా-వాణిలకు ప్రమాదముందనే వైద్యుల సూచనల మేరకు గతంలో ఆపరేషన్ ఆపివేశారు.