హైదరాబాద్: ఇసుక లోడుతో అతివేగంగా వెళుతున్న టిప్పర్ ఓ ఆటోను ఢీకొనగా ఇద్దరు యువకులు మరణించారు. ఈ ఘటన మంగళవారం ఉదయం గచ్చిబౌలి ఇంద్రానగర్ వద్ద జరిగింది. టిప్పర్ బలంగా ఢీకొనడంతో ఆటోలో వెళుతున్న ఇద్దరు యువకులు అక్కడికక్కడే మృతిచెందారు. మృతుల వివరాలు తెలియాల్సి ఉందని, పరారైన టిప్పర్ డ్రైవర్ కోసం గాలిస్తున్నామని పోలీసులు చెప్పారు.

నల్లగొండ, ఆగస్టు 8: పోలీసుల అండతో హత్యలకు, సెటిల్‌మెంట్లకు పాల్పడి మాఫియా లీడర్‌గా ఎదిగిన మాజీ మావోయిస్టు నరుూం నేర ప్రస్థానం చివరకు పోలీసుల ఎన్‌కౌంటర్‌తోనే ముగిసింది. నరుూం పేరు వింటేనే భువనగిరితో పాటు నల్లగొండ, మహబూబ్‌నగర్, వరంగల్, హైద్రాబాద్‌లలో జనం వణికిపోయేంతంగా అతడు హత్యలకు పాల్పడుతూ మాఫియా లీడర్‌గా ఎదిగాడు. అతడిపై ఆయా జిల్లాల్లో 100 కేసులు, 21హత్య కేసులున్నాయి.

జహీరాబాద్, ఆగస్టు 8: హైదరాబాద్ బోరబండలోని నెహ్రూనగర్‌కు చెందిన రౌడీషీటర్ వాహెద్ (35) మెదక్ జిల్లా జహీరాబాద్ ప్రాంతంలో ఆదివారం రాత్రి హత్యకు గురయ్యాడు. అతని తమ్ముడు వసీం పోలీసులకు ఇచ్చిన ఫిర్యాదుతో పోలీసులు కేసు నమోదు చేశారు. హతుడికి అత్యంత సన్నిహితులైన ఫేరోజ్, యూసుఫ్, సయ్యద్, సర్వర్, అసద్, సలావుద్దీన్‌లే తన అన్నను హత్య చేశారని అనుమానం వ్యక్తం చేశాడు.

రామన్నపేట, ఆగస్టు 8: నల్లగొండ జిల్లా రామన్నపేట మండలంలోని ఇంద్రపాలనగరంలో ఆదివారం రాత్రి టిఆర్‌ఎస్ వర్గాల మధ్య విభేదాలు భగ్గుమన్నాయి. గ్రామానికి చెందిన టిఆర్‌ఎస్ నాయకుడు, మంత్రి జగదీశ్వర్‌రెడ్డి బంధువు మందడి విద్యాసాగర్‌రెడ్డి ఇంటిపై పూస బాలకిషన్ వర్గానికి చెందిన కార్యకర్తలు మూకుమ్మడిగా దాడిచేసి విద్యాసాగర్‌రెడ్డితోపాటు, ఆయన కుటుంబ సభ్యులను తీవ్రంగా కొట్టారు.