హైదరాబాద్, అక్టోబర్ 5: హుజూర్‌నగర్ అసెంబ్లీ ఉప ఎన్నికల్లో తమ పార్టీ అభ్యర్థి కిర్మణ్మయి విజయానికి కృషి చేసేందుకు విస్తృతంగా ప్రచారం చేయడానికి చురుకైన పార్టీ శ్రేణులను దించేందుకు పార్టీ జాతీయ అధ్యక్షుడు, మాజీ ముఖ్యమంత్రి చంద్రబాబు నాయుడు సన్నాహాలు ప్రారంభించారని టీ-టీడీపి అధ్యక్షుడు ఎల్. రమణ తెలిపారు. హుజూర్‌నగర్ అసెంబ్లీ పరిధిలోని మండలాల వారిగా పసుపు దండును ఏర్పాటు చేస్తామన్నారు.

హైదరాబాద్: తెలంగాణ ఆడపడుచులకు ముఖ్యమంత్రి కేసీఆర్ సద్దుల బతుకమ్మ శుభాకాంక్షలు తెలిపారు. తెలంగాణ సంస్కృతి, సంప్రదాయాలకు నిలువెత్తు నిదర్శనమైన బతుకమ్మ పండుగను రాష్ట్ర వ్యాప్తంగా ఘనంగా నిర్వహించుకోవాలని పిలుపునిచ్చారు. సద్దుల బతుకమ్మ నిర్వహిం చే చెరువుల వద్ద అన్ని ఏర్పాట్లు చేయాలని అధికారులను ముఖ్యమంత్రి ఆదేశించారు.

*చిత్రం... ముఖ్యమంత్రి కేసీఆర్

హైదరాబాద్ : ఆర్టీసీ బస్సు కార్మికుల సమ్మె నేపథ్యంలో అన్ని బస్సులకు, బస్సు డిపోలకు పోలీ సు రక్షణ కల్పిస్తామని హోంశాఖమంత్రి మహమూద్ అలీ అన్నారు. శనివారం ఆయన విలేఖరులతో మాట్లాడు తూ పోలీసు శాఖ ప్రజల సేవ కోసం ఉందని, ఆర్టీసీ సమ్మెతో ప్రజలు ఇబ్బందులు పడకుండా పోలీసు శాఖ సహకారం అందిస్తున్నదన్నారు. ప్రజలకు రవాణా సదుపాయాలు కల్పించేందుకు అన్ని రకాలా చర్యలు తీసుకుంటున్నామని తెలిపారు.

బాల్కొండ, అక్టోబర్ 5: ముప్పై రోజుల ప్రణాళికలో భాగంగా చిట్టాపూర్ గ్రామ పర్యటనకు వచ్చిన మంత్రి వేముల ప్రశాంత్‌రెడ్డి పర్యటనలో అదే గ్రామానికి చెందిన కండెల రఘువీర్ అనే రైతు ఆత్మహత్యకు ప్రయత్నించడం కొద్దిసేపు కలకలం సృష్టించింది.