కరీంనగర్: నీటితొట్టెలో పడిపోయి మూడేళ్ల బాలుడు ప్రాణాలు కోల్పోయిన విషాద సంఘటన జగిత్యాల మండలం అంతర్గాంలో బుధవారం ఉదయం వెలుగుచూసింది. ఈ ఘటనతో గ్రామంలో విషాద ఛాయలు అలముకున్నాయి.

హైదరాబాద్, మే 2: ఆరోగ్యశ్రీ సేవలపై ఏర్పడిన ప్రతిష్టంభనపై తెలంగాణ ప్రభుత్వం-ప్రైవేట్ ఆసుపత్రుల ప్రతినిధుల మధ్య సోమవారం సచివాలయంలో జరిగిన చర్చలు ఫలించాయి. ఆరోగ్యశ్రీ సేవలను కొనసాగించేందుకు ప్రైవేట్ యాజమాన్యాలు అంగీకరించాయి. వైద్య మంత్రి కె లక్ష్మారెడ్డి నేతృత్వంలో జరిగిన చర్చల్లో దాదాపు 20 మంది ప్రైవేట్ ఆసుపత్రులు, నర్సింగ్‌హోంల ప్రతినిధులు పాల్గొన్నారు. దాదాపు రెండుగంటలపాటు చర్చలు కొనసాగాయి.

చింతకాని, మే 3: క్రీస్తుశకం 2వ శతాబ్దానికి చెందిన నాలుగు గౌతమ బుద్ధుడి విగ్రహాలు ఖమ్మం జిల్లా చింతకాని మండలం నాగులవంచ గ్రామ పరిసర ప్రాంతంలోని రామసముద్రం చెరువులో బయటపడ్డాయి. ఉపాధికూలీలు చెరువులో పూడికతీత పనులు చేస్తుండగా నాలుగు రాతి విగ్రహాలు బయటపడటంతో తహశీల్దార్ శ్రీనివాసరావుకు సమాచారం అందించారు. వెంటనే చెరువు వద్దకు వెళ్ళిన తహశీల్దార్ విఆర్వోలు, విఆర్‌ఏల సాయంతో విగ్రహాలను బయటకు తీశారు.

ఆదిలాబాద్, మే 3: దప్పికతీర్చుకునేందుకు గుక్కెడు నీళ్లుదొరక్క ఇద్దరు పసిపిల్లలు తడారిన గొంతులతో చెన్నూర్ మండలంలో మృతి చెందిన సంఘటన ప్రభుత్వాన్ని కదిలించివేసింది. దాహార్తితీర్చుకోలేని స్థితిలో ఇద్దరు పిల్లలు అశోక్ (12), మధు (8) అనే ఇద్దరు సోదరులు మృతి చెందగా, నీళ్లు తెచ్చేందుకు అడవికి వెళ్ళి కొన ఊపిరితో ఆసుపత్రి పాలైన తల్లి వేలాది లచ్చు మంగళవారం కోలుకొని ఇంటికి చేరుకుంది.