హైదరాబాద్: వేముల వాడ శ్రీ రాజరాజేశ్వర స్వామి దేవస్థానాన్ని అభివృద్ధి చేయడానికి ప్రణాళిక సిద్ధమైనట్టు దేవాదాయ శాఖ మంత్రి ఇంద్రకరణ్‌రెడ్డి తెలిపారు. నమూనాను త్వరలోనే ముఖ్యమంత్రికి అందజేయనున్నట్టు తెలిపారు. శృంగేరీ పీఠాధిపతి సలహా మేరకు వేములవాడ క్షేత్ర అభివృద్ధికి తుది ప్రణాళిక సిద్ధం చేస్తామని చెప్పారు.

హైదరాబాద్: ఆహార భద్రత కార్డులను జారీ చేయడానికి లబ్ధిదారుల డేటా గుర్తింపు ఎంపిక, డిజిటలైజేషన్ పూర్తి చేసి వంద శాతం ఆధార్ సీడింగ్ పూర్తి చేయడమైందని తెలంగాణ పౌరసరఫరాల మంత్రి ఈటల రాజేందర్ తెలిపారు. సోమవారం బదులిస్తూ ఏప్రిల్ లేదా మే మాసంలో 89 లక్షల కుటుంబాలకు కొత్త రేషన్ కార్డులు జారీ చేస్తామన్నారు.

హైదరాబాద్, మార్చి 21: గత ప్రభుత్వ హయాంలో అమలు చేసిన ఇందిరమ్మ ఇళ్ల పథకంలో జరిగిన కుంభకోణంపై సిఐడి విచారణ ఇంకా కొనసాగుతుందని, ఇప్పటికే 250 మంది అధికారులను సస్పెండ్ అయ్యారని గృహా నిర్మాణ శాఖ మంత్రి ఎ ఇంద్రకరణ్‌రెడ్డి శాసనసభలో వెల్లడించారు. ఈ కుంభకోణంలో ప్రజాప్రతినిధులకు కూడా పాత్ర ఉందని తేలినప్పటికీ వారందరిని అరెస్టు చేస్తే రాష్ట్రంలో ఉన్న జైళ్లు సరిపోవని ఆగామని మంత్రి అన్నారు.

భద్రాచలం, మార్చి 21: చత్తీస్‌గఢ్, మహారాష్ట్ర సరిహద్దుల్లో ఆదివారం జరిగిన ఎన్‌కౌంటర్‌లో ఇద్దరు మహిళా మావోయిస్టులు మృతి చెందారు. ఎన్‌కౌంటర్ ప్రదేశం నుంచి పోలీసులు భారీగా ఆయుధాలను స్వాధీనం చేసుకున్నారు.