హైదరాబాద్, మార్చి : తెలంగాణ ప్రభుత్వ పనితీరును ప్రధాన మంత్రి నరేంద్ర మోదీ ప్రశంసించారు. రాష్ట్రానికి సంబంధించిన వ్యవహారాలలో కేంద్రంతో ఎప్పటికప్పుడు సంప్రదింపులు జరుపుతూ, సత్సంబంధాలతో పనులు సాధించుకోవడంలో ఇతర రాష్ట్రాల కంటే తెలంగాణ ముందు వరుసలో ఉందని సిఎస్ రాజీవ్ శర్మను ప్రధాన మంత్రి మోదీ అభినందించారు.

హైదరాబాద్: హెచ్‌సియులో దళిత విద్యార్థి రోహిత్ ఆత్మహత్య కేసులో ఆరోపణలు ఎదుర్కొంటున్న వైస్ చాన్సలర్ అప్పారావుపై ఎలాంటి చర్యా తీసుకోకుండా విద్యార్థులపై పోలీసులు లాఠీచార్జీ చేయడం దారుణమని టి.పిసిసి అధ్యక్షుడు ఉత్తమ్‌కుమార్ రెడ్డి అన్నారు. ఆయన బుధవారం మీడియాతో మాట్లాడుతూ, విద్యార్థులపై మరోసారి లాఠీలు ఝుళిపిస్తే తాము ఉపేక్షించేది లేదన్నారు.

హైదరాబాద్: విశ్వవిద్యాలయాల్లో సామాజిక న్యాయం కోసం తాను పోరాటం చేస్తున్నానని జెఎన్‌యు (దిల్లీ) విద్యార్థి సంఘం నేత కన్నయ్య కుమార్ తెలిపారు. ఆయన బుధవారం ఇక్కడి శంషాబాద్ ఎయిర్‌పోర్టుకు చేరుకున్న తర్వాత కొద్దిసేపు విలేఖరులతో మాట్లాడారు. దళిత విద్యార్థి రోహిత్ ఆత్మహత్య నేపథ్యంలో అతని తల్లిని పరామర్శించేందుకు తాను హైదరాబాద్ వచ్చానని తెలిపారు.

హైదరాబాద్: జెఎన్‌యు (దిల్లీ) విద్యార్థి సంఘం నేత కన్నయ్యకుమార్ బుధవారం ఉదయం శంషాబాద్ ఎయిర్‌పోర్టుకు చేరుకున్నారు. హెచ్‌సియులో జరిగే ఆందోళన కార్యక్రమంలో ఆయన పాల్గొనాల్సి ఉంది. అయితే, కన్నయ్యను హెచ్‌సియులోకి రానీయకుండా పోలీసులు భారీగా మోహరించారు. ఇటీవల ఆత్మహత్య చేసుకున్న దళిత విద్యార్థి రోహిత్ తల్లిని కన్నయ్య పరామర్శిస్తారు. హెచ్‌సియులో జరిగే నిరాహార దీక్షకు హాజరవుతారు.