మహబూబ్‌నగర్, జూలై 8: కర్నాటక రాష్ట్రంలో జరుగుతున్న ప్రభుత్వ సంక్షోభానికి బీజేపీయే కారణమని కాంగ్రెస్ నాయకులు చేస్తున్న ఆరోపణలో నిజం లేదని, సంక్షోభానికి, బీజేపీకి ఎలాంటి సంబంధం లేదని ఆ పార్టీ జాతీయ ప్రధాన కార్యదర్శి మురళీధర్‌రావు స్పష్టం చేశారు. సోమవారం బీజేపీ సభ్యత్వాల నమోదు కార్యక్రమానికి మహబూబ్‌నగర్ జిల్లా దేవరకద్ర నియోజకవర్గం భూత్పూర్ మండలంలో పర్యటించారు.

హైదరాబాద్, జూలై 8: రాజకీయ జోక్యంతోనే విద్యారంగం గాడి తప్పిందని, ప్రపంచంలో అగ్రగామి వర్శిటీల్లో ఒక్కటి కూడా భారత్‌లో లేకపోవడం విచారకరమని నీతి ఆయోగ్ సభ్యుడు డాక్టర్ వీ కే సారస్వత్ పేర్కొన్నారు. నాణ్యతా నిర్ధారణాంశంపై రెండు రోజుల పాటు జరిగే జాతీయ సదస్సులో పాల్గొనేందుకు హైదరాబాద్ వచ్చిన సారస్వత్ సోమవారం పాత్రికేయులతో మాట్లాడారు. దేశంలో సమున్నత విద్యాసంస్థలు ఏర్పాటు కావల్సి ఉందని అన్నారు.

హైదరాబాద్, జూలై 8: దివంగత ముఖ్యమంత్రి వైఎస్ రాజశేఖర్‌రెడ్డి హయాంలో తెలుగు ప్రజలు సంతోషంగా ఉన్నారని కాంగ్రెస్ నాయకులు కొనియాడారు. తెలుగు రాష్ట్రాలు రెండింటిలో కాంగ్రెస్ అధికారంలో లేకపోయినా వైఎస్ ఆశయాలను కొనసాగించేందుకు ప్రయత్నం చేస్తామన్నారు. వైఎస్ జయంతిని పురస్కరించుకుని సోమవారం గాంధీభవన్, ఇందిరాభవన్‌లో తెలంగాణ, ఆంధ్రప్రదేశ్ కాంగ్రెస్ సీనియర్ నాయకులు నివాళులు ఆర్పించారు.

హైదరాబాద్, జూలై 8: త్వరలో జరుగనున్న మున్సిపల్ ఎన్నికలపై దృష్టి సారించాలని పార్టీ నేతలు, ప్రజాప్రతినిధులను టీఆర్‌ఎస్ వర్కింగ్ ప్రెసిడెంట్ కల్వకుంట్ల తారకరామారావు ఆదేశించారు. పార్టీ సభ్యత్వ నమోదు కార్యక్రమం రాష్టవ్య్రాప్తంగా పండుగ వాతావరణంలో జరుగుతోందని కేటీఆర్ అన్నారు. పార్టీ ఎంపీలు, ఎమ్మెల్యేలు, నియోజకవర్గాల ఇంచార్జీలతో సోమవారం కేటీఆర్ టెలికాన్ఫరెన్స్ నిర్వహించారు.