హైదరాబాద్, జూలై 6: రాష్ట్రంలోని మారుమూల ప్రాంతాల్లో నివసిస్తున్న గిరిజనులు వ్యవసాయం ఆధారంగా చిన్న, మధ్యతరహాలో 15 యూనిట్లను ఏర్పాటు చేసుకునేందుకు తెలంగాణ ప్రభుత్వం నిధులు మంజూరు చేసింది. గిరిజన సంక్షేమ శాఖ ద్వారా ‘రైతు ఉత్పత్తిదారుల సంఘాల’లకు ఆర్థిక సాయం చేసే పథకంపై సచివాలయంలో శనివారం ఉన్నతస్థాయి సమావేశం జరిగింది. ఉదయం నుండి సాయంత్రం వరకు ఈ సమావేశం నిర్వహించారు.

హైదరాబాద్: పదో తరగతి అడ్వాన్స్‌డ్ సప్లిమెంటరీ పరీక్షల్లో 53.59 శాతం మంది ఉత్తీర్ణులయ్యారు. అడ్వాన్స్‌డ్ సప్లిమెంటరీ పరీక్షల ఫలితాలను పరీక్షల బోర్డు సంచాలకుడు బి సుధాకర్ శనివారం సాయంత్రం విడుదల చేశారు. గత నెల 10వ తేదీ నుండి 24 వరకూ నిర్వహించిన పరీక్షల స్పాట్ వాల్యూయేషన్‌ను జూన్ 28 నాటికి పూర్తి చేశామని ఆయన చెప్పారు.

హైదరాబాద్: ఉమ్మడి ఆంధ్రప్రదేశ్‌కు నెల రోజులు సీఎంగా పనిచేసిన మాజీ సీఎం నాదేండ్ల భాస్కరరావు బీజేపీలో చేరారు. బీజేపీ జాతీయ అధ్యక్షుడు అమిత్‌షా సమక్షంలో ఆయన పార్టీ తీర్థం పుచ్చుకున్నారు. శంషాబాద్‌లో జరిగిన పార్టీ సభ్యత్వ నమోదు కార్యక్రమం సందర్భంగా పలువురు పార్టీలో చేరారు.

నిజామాబాద్: నిన్న నాగారంలో అదృశ్యమైన ముగ్గురు బాలుర మృతదేహాలు ఈ రోజు కుంటలో కనిపించాయి. నాగారం ఏజీ క్వార్టర్స్ సమీపంలోని ఉర్దూ పాఠశాలలో చదువుతున్న మహ్మద్ అజార్, ఆర్పాజ్‌ఖాన్, సలీం వరుసగా మూడు, నాలుగు తరగతులు చదువుతున్నారు. శుక్రవారంనాడు నమాజ్ కోసం అని స్కూలు నుంచి బయటకు వెళ్లారు. అప్పటి నుంచి వీరు కనిపించటం లేదు. ఈరోజు వీరి మృతదేహాలు కుంటలో కనిపించాయి.