ఆదిలాబాద్,జూన్ 8: ఆదిలాబాద్ ఉమ్మడి జిల్లాలోని నాలుగు జడ్పీ పీఠాలను తెరాస కైవసం చేసుకోగా కొత్తగా ఏర్పడిన మూడు జిల్లాల్లోనూ తొలిసారిగా మహిళా అభ్యర్థులే జడ్పీ చైర్‌పర్సన్‌లుగా కొలువుదీరారు.

నర్సంపేట, జూన్ 7: మెజారిటీ సభ్యులు ఉన్నప్పటికీ వరంగల్ రూరల్ జిల్లా నర్సంపేట ఎంపీపీ పీఠాన్ని కాంగ్రెస్ చేజార్చుకుంది. మెజార్టీ ఎంపీటీసీలను గెలుచుకున్న కాంగ్రెస్ పార్టీ తన సభ్యులను కాపాడుకోలేక చేజేతులారా టీఆర్‌ఎస్‌కు అప్పగించింది. నర్సంపేట రూరల్ మండలంలో మొత్తం 11 ఎంపీటీసీ స్థానాలు ఉన్నాయి. ఇందులో ఆరు ఎంపీటీసీ స్థానాలను కాంగ్రెస్ పార్టీ, ఐదు ఎంపీటీసీ స్థానాలను అధికార టీఆర్‌ఎస్ పార్టీ గెలుచుకుంది.

సిద్దిపేట టౌన్, జూన్ 7: రాష్ట్రానికే రోల్ మోడల్‌గా..పర్యాటక ప్రాంతమైన సిద్దిపేట కోమటి చెరువుపై సస్పెన్షన్ బ్రిడ్జి (వేలాడే వంతెన) ఏర్పాటు చేస్తున్నట్టు మాజీ మంత్రి, ఎమ్మెల్యే హరీష్‌రావు తెలిపారు. శుక్రవారం సిద్దిపేట కోమటి చెరువును సందర్శించిన ఆయన మాట్లాడుతూ లక్నవరంలో ఉన్న మాదిరిగా, కోమటి చెరువుపై వేలాడే వంతెన ఏర్పాటు చేస్తున్నట్టు చెప్పారు.

హైదరాబాద్, జూన్ 7: ముఖ్యమంత్రి కేసీఆర్ అనుసరిస్తున్న ఏకపక్ష విధానాల పట్ల తెలంగాణ ప్రజల్లో తీవ్ర అసంతృప్తి నెలకొని ఉందని, ఎమ్మెల్యేల కొనుగోలుతో రాష్ట్ర ప్రతిష్ట దిగజారిందని సీనియర్ కాంగ్రెస్ నేత షబ్బీర్ అలీ విమర్శించారు. శుక్రవారం ఇక్కడ ఆయన విలేఖర్ల సమవాశంలో మాట్లాడుతూ కేసీఆర్ గులాంగా స్పీకర్ వ్యవహరించారన్నారు. నిబంధనలు పాటించకుండా సీఎల్‌పీనీ టీఆర్‌ఎస్‌లో విలీనం చేశారన్నారు.