పర్చూరు, జూలై 22: వచ్చే నెలలో జరిగే కృష్ణా పుష్కరాలకు ట్రాఫిక్ అంతరాయం లేకుండా చర్యలు తీసుకుంటున్నామని ఎస్పీ త్రివిక్రమ వర్మ తెలిపారు. పుష్కరాలకు సంబంధించి ట్రాఫిక్ రూట్ మ్యాప్‌ను శుక్రవారం ఎస్పీ పరిశీలించారు. పర్చూరు నుంచి గుంటూరు రూట్‌లోని అడుసుమల్లి వరకు రోడ్డును పరిశీలించారు.

ఒంగోలు, జూలై 22 : జిల్లాలో వ్యవసాయ అనుబంధ రంగాల్లో రైతులు అభివృద్ధి సాధించే విధంగా పొలం పిలుస్తోంది కార్యక్రమాల ద్వారా విస్తృత ప్రచారం కల్పించాలని కలెక్టర్ సుజాతశర్మ అధికారులను ఆదేశించారు. శుక్రవారం స్థానిక కలెక్టరేట్‌లోని సిపివో సమావేశ మందిరంలో జిల్లా స్థాయి వ్యవసాయ విస్తరణలో మాస్ మీడియా పాత్రపై , ఆహార భద్రత మిషన్, ప్రధానమంత్రి ఫసల్ భీమా యోజన పధకాలపై జిల్లా కలెక్టర్ అధికారులతో సమీక్షించారు.

ఒంగోలు,జూలై 22: ఒంగోలు నగరం 17వ డివిజన్‌లోని ప్రగతీకాలనీ, అంబేద్కర్‌కాలనీల్లో శుక్రవారం మాజీ మంత్రి బాలినేని శ్రీనివాసరెడ్డి ఆధ్వర్యంలో జరిగిన గడపగడపకు వైఎస్‌ఆర్ పార్టీ కార్యక్రమం ఉత్సాహం సాగింది. బాలినేనికి ఆయాకాలనీల ప్రజలు ముందుగా ఘనస్వాగతం పలికారు. ఈసందర్భంగా బాలినేని ఆయాకాలనీల్లో పర్యటిస్తూ ప్రజల సమస్యలను అడిగి తెలుసుకున్నారు.

నెల్లూరు, జూలై 22: జిల్లాకు కొత్త కలెక్టర్‌గా ముత్యాలరాజు నియమితులయ్యారు. ప్రస్తుతం ఇక్కడ పనిచేస్తున్న ఎం.జానకి కేంద్రమంత్రి వెంకయ్యనాయుడు పిఎస్‌కు బదిలీ అయ్యారు. అయితే జిల్లాలో పనిచేసేందుకు వచ్చే కొత్త కలెక్టర్ విషయంలో రాష్ట్ర మంత్రి నారాయణ, ఇతర జిల్లా నేతలు తీవ్రస్థాయిలో చర్చలు జరిపారు. ఇప్పటి వరకు జిల్లాకు వచ్చిన అధికారులు అందరూ తమకు అనుకూలంగానే పనిచేసినవారు ఉన్నారు.