అమరావతి, జూలై 22: కృష్ణా పుష్కరాల సందర్భంగా పట్టణంలో ఏర్పాటు చేయాల్సిన బందోబస్తుపై డిఎస్‌పిల బృందం విస్తృతంగా పర్యటించింది. ఈ బృందం ధ్యానబుద్ధ ఘాట్, అమరేశ్వర ఘాట్‌తో పాటు ఆలయంలో ఏర్పాటు చేయాల్సిన బందోబస్తు గురించి ఆలయ అధికారి ఎన్ శ్రీనివాసరెడ్డితో చర్చించారు. అలాగే మెయిన్‌బజారులో, పుష్కరనగర్‌ల వద్ద బందోబస్తు గురించి కూడా సమగ్రంగా పరిశీలించారు.

అమరావతి, జూలై 22: సుప్రసిద్ధ పుణ్యక్షేత్రమైన అమరావతిలో ఆగస్టు 12 నుండి 23వ తేదీ వరకు జరిగే కృష్ణా పు ష్కరాల కోసం వివిధ అభివృద్ధి పనులు చేపట్టేందుకు రాష్ట్రప్రభుత్వం కోట్లాది రూపాయలు కేటాయించి పలువురు కాంట్రాక్టర్లకు నిర్మాణ పనులను అప్పగించింది. జూన్ మా సంలో ప్రారంభమైన పుష్కరఘాట్ నిర్మాణ పనులు నే టికీ కొనసాగుతూనే ఉన్నాయి.

రాజమహేంద్రవరం, జూలై 22: గోదావరి నదిలో డ్రెడ్జింగ్ పనులకు అతీ గతీ లేకుండా పోయింది. టెండర్లు పూర్తయ్యి ఏజెన్సీకి పనులు అప్పగించినప్పటికీ ఇంకా డ్రెడ్జింగ్ పనులు ఆరంభం కాలేదు. డ్రెడ్జింగ్ కార్యకలాపాలు ఇసుక సిండికేట్ ఉచ్చులో చిక్కుకున్నట్టు తెలుస్తోంది. ఇటీవల వరదలకు నదిలో ఇసుక దిబ్బలు మరింతగా పెరిగిపోయాయి. దీంతో నదీ గమన దిశలు మారిపోయే పరిస్థితి దాపురించింది.

విజయవాడ, జూలై 22: కాపులను బిసిల్లో చేర్చవద్దంటూ స్థానిక మంజునాథ్ కమిషన్ ఎదుట పలు బిసి సంఘాలు శుక్రవారం ఆందోళన జరిపాయి. అమలాపురం, చుట్టుపక్కల ప్రాంతాల నుంచి బిసి సంఘాలు శుక్రవారం విజయవాడ చేరుకున్నాయి. స్థానిక బెంజ్ సర్కిల్ దగ్గరున్న మంజునాథన్ కమిషన్ కార్యాలయం వద్ద ధర్నా చేశాయి. ఒక దశలో కార్యాలయంలోకి దూసుకువెళ్లడానికి ఆందోళనకారులు ప్రయత్నించారు.