కాకినాడ రూరల్, జూలై 22: రాజకీయ పార్టీలకు రాష్ట్రంలో స్థలాలు కేటాయించడం కోసం చంద్రబాబు సర్కార్ చిత్రమైన జీవోను తెచ్చిందని విమర్శించారు. వైసిపి జిల్లా అధ్యక్షుడు కురసాల కన్నబాబు కాకినాడలో శుక్రవారం మీడియాతో మాట్లాడుతూ ఈ జీవో మాటున టిడిపి తమ పార్టీకి పెద్ద ఎత్తున భూములు కేటాయింపు చేసుకునే కార్యక్రమం చేపట్టిందని ఆరోపించారు.

శంఖవరం, జూలై 22: గంజాయిని కారులో తరలిస్తుండగా అన్నవరం పోలీసులు శుక్రవారం పట్టుకున్నారు. పోలీసులు తెలిపిన వివరాల ప్రకారం..విశాఖ జిల్లా మాడుగుల నుండి 75 కేజీల గంజాయిని కారులో తరలిస్తుండగా అన్నవరం పిఎస్సై శ్రీనివాసరావు ఆధ్వర్యంలో పోలీసులు పట్టుకున్నారు. కారుతోపాటు ఎం శ్రీను, సూర్యనారాయణ, వెంకట్రావు అనే ముగ్గురు వ్యక్తులను అదుపులోకి తీసుకున్నట్లు పోలీసులు తెలిపారు.

రాజమహేంద్రవరం, జూలై 22: వైఎస్సార్‌సిపి నుంచి తిరిగి తెలుగుదేశం పార్టీలో చేరేందుకు ఎమ్మెల్సీ ఆదిరెడ్డి అప్పారావు, ఆయన పరివారం శుక్రవారం అట్టహాసంగా విజయవాడకు తరలివెళ్లారు. ముఖ్యమంత్రి చంద్రబాబునాయుడు సమక్షంలో ఆదిరెడ్డి, ఆయన అనుచరులు తెలుగుదేశం పార్టీలో చేరారు. ఉదయం ఆయన నివాసం నుంచి భారీ ర్యాలీగా విజయవాడకు బయలుదేరి వెళ్లారు. ఇందుకోసం పలువార్డుల నుంచి బస్సులు, కార్లలో జన సమీకరణ చేశారు.

గోకవరం, జూలై 22: పిహెచ్‌సిలపై అజమాయిషీ చేసే సిహెచ్‌ఎన్‌సిలను ప్రభుత్వం ఎత్తివేసింది. దీంతో 9 పిహెచ్‌సిలపై అజమాయిషీ చేసే గోకవరం సిహెచ్‌ఎన్‌సి మూతపడింది. ఏజెన్సీ ముఖద్వారమైన గోకవరంలోని పిహెచ్‌సి ఆవరణలో నూతనంగా నిర్మించిన భవనంలో సిహెచ్‌ఎన్‌సి కార్యాలయం ఏర్పాటు చేసి, ఇక్కడ నుండే 9 పిహెచ్‌సిల పనితీరును అధికార్లు పర్యవేక్షించేవారు.