చిత్తూరు, జూలై 22: చిత్తూరు జిల్లా జాయింట్ కలెక్టర్ గా గిరీషాను నియమిస్తూ రాష్ట్ర ప్రభుత్వం ఉత్తర్వులు జారీ చేసింది. ఇక్కడ జెసిగా ఉన్న భరత్‌గుప్తాను ప్రభుత్వం ఇటీవల శ్రీశైలం ఆలయ ఈవోగా నియమించింది. ఆయన స్థానంలో నెల్లూరు జిల్లా గూడూరు సబ్ కలెక్టర్‌గా ఉన్న గిరీషాను జిల్లా జాయింట్ కలెక్టర్‌గా నియమిస్తూ శుక్రవారం ప్రభుత్వం ఉత్తర్వులు జారీచేసింది.

తిరుపతి, జూలై 22: తిరుపతి-తిరుచానూరులో 7 ఇళ్లు, మహిళల మెడల్లో చెన్లుచోరీచేసి తప్పించుకుతిరుగుతున్న ముగ్గురు దొంగలను శుక్రవారం అరెస్ట్ చేసినట్లు క్రైం ఎ ఎస్పీ సిద్దారెడ్డి తెలిపారు. వీరి వద్ద నుంచి రూ.5లక్షల విలువచేసే బంగారు ఆభరణాలు, వెండి వస్తువులు, ట్యాబ్‌లు, సెల్‌ఫోన్లు స్వాధీనం చేసుకొని అరెస్ట్‌చేశామన్నారు. ఎ ఎస్పీ సిద్దారెడ్డి కథనం మేరకు వివరాలు ఇలా ఉన్నాయి.

హైదరాబాద్, జూలై 22: తెలంగాణలోని అన్ని పరిశ్రమల్లో నిబంధనల మేరకు ఉండాల్సిన గ్రీనరీని పర్యవేక్షించేందుకు ప్రణాళిక రూపొందించినట్టు ఐటి, పరిశ్రమల మంత్రి కె తారక రామారావు తెలిపారు. ప్రతి పరిశ్రమలోనూ మూడవ వంతు చెట్ల పెంపకం ఉండాలని, ఈ వివరాలు ఆన్‌లైన్‌లో ఉంచే ఏర్పాట్లు చేస్తున్నట్టు చెప్పారు. దీని కోసం గ్రీన్ బుక్ వ్యవస్థను ఏర్పాటు చేయనున్నట్టు తెలిపారు.

పలమనేరు, జూలై 22: పలమనేరు పట్టణ సమీపంలోని గంటావూరు అటవీ ప్రాంతంలో శుక్రవారం కుక్కల దాడిలో అడవి నుంచి వచ్చిన దుప్పి తీవ్ర గాయాలై మృత్యువాత పడింది. దీనిని గమనించిన స్థానికులు పలమనేరు అటవీశాఖాధికారులకు సమాచారం అందించారు. అనంతరం అటవీ అధికారులు చట్టం ప్రకారం వణ్యప్రాణికి చేయవలసిన కార్యక్రమాలు చేపట్టారు. అటవీ సమీప గ్రామాల్లో వ్యవసాయ పొలాలపై దుప్పిలు, అడవి జంతువులు వస్తుంటాయి.